शेतकऱ्यांसाठी गूड न्यूज...ठाकरे सरकारचे मोदी सरकारला पत्र 

सोलापूर : महाराष्ट्रासह अन्य राज्यांमध्ये कांद्याचे उत्पादन घटल्याने कांद्याचे दर वाढले. या पार्श्‍वभूमीवर केंद्र सरकारने कांद्यावर निर्यात बंदीचा निर्णय घेतला. आता देशभर कांद्याची आवक वाढली असून कांद्याचे दर गडगडल्याने बळीराजा अडचणीत सापडला आहे. कांद्याचे दर स्थिर राहण्यासाठी निर्यात बंदीचा निर्णय मागे घ्यावा, असे पत्र ठाकरे सरकारने मोदी सरकारला पाठविले आहे. 850 डॉलरचे निर्यातमूल्यही टप्प्याटप्याने शून्य करावे, असेही त्या पत्रात नमूद करण्यात आले आहे. 

हेही नक्‍की वाचा : राज्याच्या तिजोरीत खडखडाट : सरकारने काढले 30 हजार कोटींचे कर्ज 

महाराष्ट्रातीलच नव्हे तर देशातील विविध राज्यातील अतिरिक्‍त उत्पादित कांदा 'अपेडा'च्या माध्यमातून परदेशात निर्यात केला जातो. महाराष्ट्रातून 2016- 17 ते 2018-19 या तीन वर्षांत एकूण 61 लाख 88 हजार मे. टन कांदा परदेशात निर्यात झाला. सर्वाधिक कांदा बांग्लादेशात निर्यात झाला तर उर्वरित कांदा युएई, मलेशिया, नेपाळ, श्रीलंका, शिंगापूर, आफ्रिका, ब्राझिल, इंग्लंड, सोव्हिएत रशिया, इटली, चीन, नेदरलॅण्ड, हॉंगकॉंग, हंगोला या देशात निर्यात करण्यात आला. मागील वर्षी दुष्काळ तर यावर्षीचा महापूर व अवकाळीमुळे कांदा लागवडीचे क्षेत्र घटले आणि कांदा उत्पादन कमी झाले. त्यामुळे कांद्याचे दर प्रतिक्‍विंटल 20 हजारांपर्यंत पोहचले. त्यामुळे केंद्र सरकारला परदेशातून कांदा आयात करावा लागला. दरम्यान, आता कांदा उत्पादन मोठ्या प्रमाणावर वाढल्याने बाजार समित्यांमध्ये कांद्याची आवक वाढली आहे. मात्र, कांद्याचे दर प्रतिक्‍विंटल सरासरी दिड ते दोन हजारांवर पोहचल्याने बळीराजा अडचणी सापडला आहे. या पार्श्‍वभूमीवर शेतकऱ्यांना चांगला दर मिळावा, त्यांचा उत्पादन खर्च निघावा या हेतूने केंद्र सरकारने कांदा निर्यात बंदी उठवावी, असेही त्या पत्रात म्हटले आहे. 

हेही नक्‍की वाचा : अजितदादांनी दहा मिनिटात बोरामणी विमानतळाला दिले 50 कोटी 

निर्यातमूल्य मागे घ्या अन्‌ निर्यातबंदी उठवण्याचे पत्र 
देशभरात कांद्याचे दर वाढल्याने केंद्र सरकारने कांदा निर्यात बंदी लागू केली. आता महाराष्ट्रात कांद्याची आवक वाढली असून कांद्याचे दर घसरल्याने शेतकरी अडचणीत सापडला आहे. या पार्श्‍वभूमीवर बळीराजासाठी कांद्यावरील निर्यात बंदी मागे घ्यावी, किमान निर्यातमूल्यही टप्प्याटप्याने शून्य करावे, असे पत्र राज्य सरकारने केंद्राला पाठविले आहे. 
- यु. एस. घाद्याळे, उपसचिव, पणन 

हेही नक्‍की वाचा : राज्यातील पोलिस पाटलांना मार्चपासून नियमित मानधन 

राज्यातील कांदा निर्यात (2016 ते 2019) 
सन             कांदा निर्यात 
2016-17    24.16 लाख मे.टन 
2017-18    15.89 लाख मे.टन 
2018-19    21.83 लाख मे.टन 
2019-20    14.27 लाख मे.टन (अपेक्षित)