![democratic Youth Federation protest against govt decision contracting government posts govt school adoption scheme](http://media.assettype.com/esakal%2F2023-10%2F05c1e015-ee59-43fe-8d61-550f86188596%2FUntitled_15.jpg?w=480&auto=format%2Ccompress&fit=max)
सोलापूर : शासकीय पदांचे कंत्राटीकरण व शासकीय शाळा दत्तक योजनेच्या शासन निर्णयांची येथील लोकशाहीवादी युवा महासंघच्या वतीने होळी करून निषेध करण्यात आला. आज जिल्हा परिषदेच्या पूनम गेटवर हे आंदोलन युवा महासंघाचे जिल्हा अध्यक्ष विक्रम कलबुर्गी यांच्या नेतृत्वाखाली करण्यात आले. यावेळी आंदोलकांनी केंद्र आणि राज्य सरकारच्या विरोधात जोरदार घोषणा दिल्या. त्यानंतर जिल्हाधिकारी कुमार आशीर्वाद यांना निवेदन देण्यात आले.
राज्य शासनाने सरकारी नोकऱ्यांचे कंत्राटीकरण करण्याचा निर्णय घेऊन कायमस्वरूपी रोजगार संपवण्याचा दुर्दैवी निर्णय घेतला. सरकारी नोकरी करू पाहणाऱ्या युवकांचे स्वप्न धुळीस मिळवत आहे. संविधानाने दिलेले आरक्षण पूर्णपणे ठप्प करू पाहत आहे. शासकीय आणि स्थानिक स्वराज्य संस्थांच्या सर्व माध्यमांच्या शाळांसाठी ही दत्तक योजनेतून महाराष्ट्रातील ६२ हजार जिल्हा परिषदेच्या शाळा कंत्राटदारांच्या घशात घालून होणारे खासगीकरण थांबवावे. इस्पितळातील मृत्यू प्रकरणी आरोग्यमंत्री तानाजी सावंत यांना बडतर्फ करावे.
या सरकारी भरती प्रक्रिया महाराष्ट्र लोकसेवा आयोग (एमपीएससी) याद्वारे राबवावा. आरक्षित जागा भरतीची काटेकोर अंमलबजावणी करावी. एम्प्लॉयमेंट एक्स्चेंज केंद्र सुरू करावे. सार्वजनिक इस्पितळातील मृत्यू प्रकरणी चौकशी समिती स्थापन करावी. जिल्हा प्रशासनाच्या वतीने गोदूताई परुळेकर नगरमधून होणारी जडवाहतूक बंद करावी अशा मागण्या करण्यात आल्या.
यावेळी अशोक बल्ला रफिक काझी बाळकृष्ण मल्याळ, मधुकर चिल्लाळ, अप्पाशा चांगले, नरेश गुल्लापल्ली, सन्नी कोंडा, दिनेश बडगु, राहुल बुगले, राकेश म्हेत्रे, संतोष बोडा, जैद मुल्लामजहर आगवाले, श्रीकांत बोगम, अजय बोड्डू, अनिल काडगी, चंद्रकांत धोत्रे, जावेद पठाण, गोविंद सज्जन, अप्पाशा निकंबे उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.