सोलापूर : शहर-जिल्ह्यात कोरोना रुग्णांची संख्या दिवसेंदिवस वाढू लागली आहे. सोमवारी (ता. 5) शहरात 202 तर ग्रामीणमध्ये 448 रुग्णांची वाढ झाली असून सध्या सात हजार 194 रुग्णांवर विविध रुग्णालयांमध्ये उपचार सुरु आहेत. आज शहरातील सहा तर ग्रामीणमधील चौघांचा कोरोनाने बळी घेतला आहे. या पार्श्‍वभूमीवर नागरिकांनी कोरोनासंबंधीच्या नियमांचे काटेकोर पालन करण्याचे आवाहन आरोग्याधिकारी डॉ. बिरूदेव दुधभाते यांनी केले आहे.
ठळक बाबी...
मागील वर्षी एप्रिल महिन्यात सोलापुरात प्रवेश केलेल्या कोरोनाला आता एक वर्षाचा कालावधी पूर्ण होणार आहे. शहर-जिल्ह्यातील आठ लाखांहून अधिक संशयितांची कोरोना टेस्ट करण्यात आली आहे. त्यापैकी एकूण 65 हजार 478 जणांना कोरोनाची बाधा झाली आहे. त्यातील दोन हजार 19 रुग्णांचा कोरोनाने बळी घेतला आहे. नागरिकांना नियमांचे पालन करण्याचे आवाहन करूनही त्यांच्याकडून नियमांचे काटेकोर पालन होत नसल्याचे चित्र आहे. पोलिसांनी, महापालिका प्रशासनाने व जिल्हाधिकाऱ्यांनी आवाहन करूनही तसेच चित्र दिसून येत आहे. त्यावर उपाय म्हणून आता राज्य सरकारच्या माध्यमातून कडक निर्बंध लागू करण्यात आले असून त्याची मुदत 30 एप्रिलपर्यंत असणार आहे. आता रात्री आठनंतर नागरिकांना विनाकारण घराबाहेर पडता येणार नाही. अन्यथा पोलिसांच्या माध्यमातून संबंधितांवर कडक कारवाई केली जाणार आहे.
तालुकानिहाय वाढलेले रुग्ण
अक्‍कलकोट (7), बार्शी (80), करमाळा (77), माढा (69), माळशिरस (87), मंगळवेढा (18), मोहोळ (20), उत्तर सोलापूर (14), पंढरपूर (60), सांगोला (13) आणि दक्षिण सोलापूर (3).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.