Highway Accident : पिकअपच्या धडकेत पती-पत्नी ठार; टेंभुर्णी-लातूर महामार्गावरील घटना

-वसंत कांबळे

कुर्डू : टेंभुर्णी-लातूर रोडवरील कुर्डू (ता. माढा) येथे पिकअप व दुचाकीच्या धडकेत (Pickup Bike Accident) पती-पत्नी ठार झाल्याची घटना रविवारी (ता. २९) सकाळी घडली आहे. श्री सीताराम तुकाराम भवरे (वय ६५) व नंदाबाई सीताराम भवरे (वय ५५) राहणार (ढवळस ता. माढा असे) मृत पती-पत्नीचे नाव आहे.

(एम. एच. ४२ बी. एफ. ०५०६) क्रमांकाची पिकअप ही जनावरांचा चारा घेऊन कुर्डुवाडीकडे जात होती व (एम. एच. १२ आर. बी. ४३६२) या क्रमांकाच्या दुचाकीवरून त्यांच्या गावाकडे जात असताना. दोन्ही वाहने कुर्डू येथील आंतरभारती शाळेजवळ आले असता समोरासमोर जोराची धडक होऊन सीताराम तुकाराम भवरे हे जाग्यावरच ठार झाले.

तर, त्यांची पत्नी नंदाबाई सीताराम भवरे यांचा उपचारांसाठी सोलापूर येथे जात असताना मोहोळदरम्यान मृत्यू झाला. अज्ञात पिकअप चालकाविरुद्ध कुर्डुवाडी पोलिस ठाण्यात गुन्हा दाखल करण्यात आला आहे. पुढील तपास महिला पोलिस सबइन्स्पेक्टर गटकूळ करत आहेत.