सोलापूर - शिक्षक भरती आता महत्त्वाच्या टप्प्यावर पोहोचली असून पात्र अभियोग्यताधारकांना संस्था/जिल्हा परिषदेमधील नियुक्ती संदर्भात याद्या तयार करण्याचे संगणकीय कामकाज सध्या सुरू आहे. ही पूर्णपणे पारदर्शक व संगणकावर आधारित प्रक्रिया असून त्यामध्ये कोणताही मानवी हस्तक्षेप होणार नाही याची दक्षता घेण्यात आलेली आहे, असे शिक्षण आयुक्त सुरज मांढरे यांनी स्पष्ट केले आहे.
अभियोग्यता धारकांमधील काही स्वयंघोषित खोडसाळ व्यक्ती तसेच काही अनधिकृत दलाल या प्रक्रियेबाबत अभियोग्यताधारकांमध्ये संभ्रम निर्माण करून त्यांची फसवणूक करण्याची शक्यता व्यक्त केली जात आहे. याबाबत सर्वांना सुचित करण्यात येते की, ही प्रक्रिया पूर्णपणे संगणकीकृत असून त्यामध्ये मानवी हस्तक्षेपाला वाव नाही.
त्यामुळे अशाप्रकारे कोणी फसवणूक करत असेल तर संबंधित पोलिस ठाण्याकडे तातडीने फिर्याद दाखल करावी. फिर्याद दाखल केल्यास प्रशासनाकडून देखील अशा तक्रारदारास पूर्ण सहकार्य केले जाईल, अशी ग्वाही श्री. मांढरे यांनी दिली आहे.
शिक्षक भरतीसाठी उमेदवारांना आमिष दाखवून त्यांची दिशाभूल किंवा फसवणूक करणाऱ्या व्यक्ती तसेच त्यांच्या संपर्कातील व्यक्तींवर पोलीस विभागामार्फत स्वतंत्रपणे निगराणी ठेवली जात आहे.
- सूरज मांढरे, शिक्षण आयुक्त, महाराष्ट्र
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.