पोथरे (सोलापूर) : ग्रामपंचायत निवडणूक कालावधीत गावातील वाद - विवाद टाळण्यासाठी व गावाचा विकास होण्यासाठी गावातील सर्व पक्षांनी एकत्रित बसून ग्रामपंचायत बिनविरोध काढण्यासाठी प्राधान्याने विचार करावा. तसेच गावात दखलपात्र गुन्हे होऊ नयेत यासाठी पक्षप्रमुखांनी काळजी घ्यावी व याला सर्व नागरिकांनी सहकार्य करावे. जर गुन्हा घडल्यास कुणाचीही गय न करता संबंधितांवर कठोर कारवाई केली जाईल, अस इशारा करमाळा पोलिस ठाण्याचे पोलिस निरीक्षक श्रीकांत पाडुळे यांनी दिला.
करमाळा तालुक्‍यातील 51 ग्रामपंचायतींची निवडणूक प्रक्रिया सुरू झालेली आहे. या अनुषंगाने पोथरे (ता. करमाळा) येथे कायदेविषयक सूचना देण्यासाठी कार्यक्रमाचे आयोजन करण्यात आले होते. त्या वेळी पोलिस निरीक्षक श्रीकांत पाडुळे बोलत होते. पुढे बोलताना पोलिस निरीक्षक श्री. पाडुळे म्हणाले, निवडणूक कालावधीत मत - मतांतरे व वादविवाद होऊन दखलपात्र गुन्हे घडण्याची शक्‍यता असते. असे झाले तर कुणाचीही गय न करता संबंधितांवर कठोर कारवाई केली जाईल. तसेच गावाचा विकास करण्यासाठी गावातील सर्व पक्षप्रमुखांनी एकत्रित बसून निवडणूक बिनविरोध करण्यासाठी प्राधान्याने विचार करावा. याशिवाय 26 जानेवारीपर्यंत गावात शांतता व सुव्यवस्था राखण्यासाठी सर्व ग्रामस्थांनी सहकार्य करावे.
या वेळी ऍड. नानासाहेब शिंदे व बबन जाधव यांनी गावात आचारसंहिता कालावधीत आपापसांत वादविवाद होणार नाहीत यासाठी आम्ही प्रयत्नशील राहू, असे आश्वासन दिले. बिट अंमलदार अनिल निंबाळकर, पोलिस पाटील संदीप शिंदे - पाटील उपस्थित होते. या वेळी गावातील सर्व आजी - माजी पदाधिकारी व ग्रामस्थ मोठ्या संख्येने उपस्थित होते. पोथरे गावचे पोलिस पाटील संदीप शिंदे - पाटील प्रास्ताविक करून आभार मानले.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.