पंढरपूर : अंत्यविधी उरकून घराकडे परत येणाऱ्या जमावामध्ये ट्रक घुसून झालेल्या अपघातामध्ये एकाच कुटुंबातील तीन महिलांचा जागीच मृत्यू झाला आहे. ही दुर्दैवी घटना पंढरपूरपासून जवळ असलेल्या टेंभुर्णी रोडवरील टाकळी पुनर्वसन गावानजीक रात्री साडेअकरा वाजण्याच्या सुमारास घडली.
मिळालेल्या माहितीनुसा गुनदेव गुटाळ यांचे शुक्रवारी रात्री मृत्यू झाला होता. त्यामुळे हे सर्व नातेवाईक अत्यंविधीसाठी गेले होते. मात्र रात्री उशिरा अत्यंतविधी उरकून सर्वजण घराकडे परत येत असताना अचानक टेंभुर्णीहून पंढरपूर कडे येणारा मालवाहू ट्रक गर्दीत घुसला.
या भीषण अपघातामध्ये मयताच्या दोन सुनांसह तीन महिलांचा जागीच मृत्यू झाला. तर इतर सहा महिला गंभीर जखमी झाल्या आहेत. यामध्ये हिराबाई भारत गुटाळ (वय 35) मुक्ताबाई गोरख गुटाळ (वय 40 ) यांचा मृत्यू झाला. तिसऱ्या मयत महिलेचे नाव समजू शकले नाही. दरम्यान या प्रकारामुळे परिसरात हळहळ व्यक्त होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
