डोक्यात साकारली छत्रपतींची प्रतिकृती

पंढरपूर -  शिव जयंतीच्या निमित्ताने तरुणाईमध्ये वेगळाच उत्साह संचारला आहे. अनेकांनी हातावर गोंधन काढून शिवरायांची प्रतिमा साकरली आहे. तर काहींनी चक्क आपल्या डोक्यातील केसामध्ये शिवरायांची प्रतिकृती कोरून शिवरायांना अभिवादन केले आहे.

हे ही वाचा... छत्रपतींचा जयजयकार घुमला आसमंतात

शिवजयंतीच्या निमित्ताने पंढरपूर शहर व तालुक्यात जय्यत तयारी करण्यात आली आहे. शहरातील विविध भागात भगवे ध्वज लावण्यात आले आहेत. तर अनेक शिवप्रेमी मंडळांनी स्वागत कमी उभारल्या आहेत. सर्वत्र शिवजयंतीचा उत्साह ओसंडून वाहत असल्याचे चित्र आहे.

हे ही वाचा... सोलापूर जिल्ह्यातील शिवजयंती उत्सव एका क्लिकवर

अनेक शिवप्रेमी आपल्या फोरव्हीलर गाड्यांच्या काचा आणि बाॅनेटवर शिवरायांची चित्रे काढली आहेत. तर तरुणांनी आपल्या हातावर आणि मनगटावर शिवरायांची प्रतिमा कोरली आहे.
इतर काहींनी चक्क आपल्या डोक्यातील केसामध्ये शिवरायांची प्रतिमा कोरुन शिवरायांना अभिवादन केले आहे. येथील केशकर्तन कलाकार तुकाराम चव्हाण हे गेल्या आठ दिवसांपासून केसामध्ये शिवरायांची प्रतिमा साकारण्याचे काम करत आहेत.