सोलापूर : सोलापूरातील मंगळवेढा येथील माचणूर येथे असलेल्या गणपती मंदिरातील फरश्यांची तोडफोड पुरातत्व विभागाकडून करण्यात आली होती. त्यानंतर ग्रामस्थांनी संताप व्यक्त करत मंदिर बंद ठेवण्याचा इशारा दिला होता. त्यानंतर जिल्हाधिकाऱ्यांच्या मध्यस्थीमुळे या वादावर तोडगा निघाला असून दोन दिवसांत मंदिराचं काम करण्याचं आश्वासन दिलं आहे.
दरम्यान, माचणूर येथील पुरातन गणपती मंदिराची देखभाल पुरातत्व विभागाकडे आहे. या मंदिरात ग्रामस्थांनी केलेल्या फरशीकामावर पुरातत्व विभागाने आक्षेप घेत तोडफोड केली होती. त्यानंतर ग्रामस्थांच्या भावना दुखावल्यामुळे हा वाद पेटला होता. पुरातत्व विभागाच्या अधिकाऱ्यांच्या निलंबनाची मागणी ग्रामस्थांकडून करण्यात आली होती. त्यानंतर या वादात सोलापूरच्या जिल्हाधिकाऱ्याने मध्यस्थी केली आहे.
पुरातत्व विभागाकडे या मंदिराची डागडुजी करण्यासाठी अनेक वेळा ग्रामस्थांनी मागणी केली पण पुरातत्व विभागाने ग्रामस्थांच्या मागणीकडे लक्ष दिले नाही. त्यामुळे ग्रामस्थांनी वैतागून स्वखर्चाने मंदिरात फरश्या बसवल्या. ग्रामस्थांनी केलेल्या कामावर पुरातत्व खात्याने आक्षेप घेत भर गणेशोत्सवाच्या काळात या मंदिरातील फरशी कामाची तोडफोड केली. त्यानंतर हा वाद पेटला होता.
हा वाद पेटल्यानंतर पुरातत्व खात्याने मंदिराच्या फरशी कामाचे आश्वासन दिले पण ग्रामस्थांचा संताप अनावर होत त्यांनी हे मंदिर बंद ठेवण्याचा इशारा दिला. त्यानंतर जिल्हाधिकाऱ्यांनी मध्यस्थी करत दोन दिवसांत हे बांधकाम केले जाणार असल्याचं आश्वासन देत या वादावर तोडगा काढला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
