अतिवृष्टीने तुरीचे पीक नुकसानीत सापडले असताना, कर्नाटकात मात्र तुरीचे बंपर पीक आले आहे.
सोलापूर - यावर्षी अतिवृष्टीने तुरीचे पीक नुकसानीत सापडले असताना, कर्नाटकात मात्र तुरीचे बंपर पीक आले आहे. त्यामुळे येथील मार्केट यार्डात तुरीच्या बाजारात कर्नाटकच्या तुरीचा बोलबाला आहे.
तुरीचा हंगाम सुरू झाला आहे. दरवर्षी तुरीच्या हंगामात दोन टप्पे असतात. सुरवातीला कर्नाटकची तूर येते व नंतर स्थानिक व मराठवाड्यातील तुरीची आवक सुरू होते. यावर्षी मात्र महाराष्ट्रातील तुरीच्या पिकाला अतिवृष्टीचा फटका बसला आहे. त्यामुळे तुरीची आवक महाराष्ट्रातून कमी झाली. दुसरीकडे, कर्नाटकात मात्र तुरीच्या पिकाची स्थिती मात्र चांगली आहे.
सीमेवरील चडचण, इंडी, विजयपूर, आलमेल भागात अतिवृष्टी झाली नसल्याने तुरीचे बंपर पीक आले आहे. योग्य वेळी तुरीचे पीक उत्तम आले, पण त्यासोबत त्याची गुणवत्ता देखील चांगली आहे. मागील दोन वर्षात सर्वांत चांगले पीक सीमावर्ती भागात हाती आले आहे.
यार्डात तुरीची आवक जोरात सुरू झाली आहे. हमीभावाच्या तुलनेत तुरीचे भाव तेजीत राहण्याची शक्यता आहे. राज्यात तुरीचे पीक कमीच हाती आले तर सध्याचे तुरीचे भाव आणखी वाढण्याची शक्यता आहे. मुगाचे भाव आधीच वाढले आहेत. त्यासोबत तुरीची भाववाढ होण्याची शक्यता आहे.
यावर्षी तुरीची आवक कर्नाटकातून वाढली आहे. पण मराठवाड्यातून पीक हाती आले नसल्याने अडचणी आहेत. दररोज यार्डात ३० ते ४० गाड्यांची आवक सुरू आहे.
- महादेव मठपती, आडत व्यापारी, मार्केट यार्ड, सोलापूर
यावर्षी नेमके काय झाले?
अतिवृष्टीमुळे मराठवाड्यातून तुरीची आवक घटली
स्थानिक उत्पादन घटले
कर्नाटकच्या सीमावर्ती भागात कमी पावसाने तुरीचे बंपर पीक
दोन वर्षात पहिल्यांदाच कर्नाटकातील तुरीची गुणवत्ता सर्वोत्कृष्ट
रोज कर्नाटकातून तुरीची ३० ते ४० गाड्या आवक
६४०० ते ७२०० रुपयांपर्यंत तुरीचे भाव
मराठवाड्यातील आवक भक्कम न झाल्यास भाववाढीची शक्यता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.