मोहोळ - मणिपूर घटनेतील दोषीवर कायदेशीर कारवाई करण्याची मागणी अंधश्रद्धा निर्मूलन समिती मोहोळ शाखेच्या वतीने करण्यात आली.
अडीच महिन्या पेक्षा अधिक कालावधी पासून मणिपूर राज्यात जातीय व धार्मिक जाळपोळ, हिंसाचार महिलांची नग्न धिंड काढणे असे प्रकार सुरु आहेत .
आशातच इंफाळ पासून पस्तीस किलोमीटर अंतरावरील कंगपोकपी जिल्ह्यात एका जातीय समुदायाने तेथील अदिवासी समुदायाच्या दोन महिलांची नग्न धिंड व त्यावेळी अनेकांनी त्यांच्याशी केलेले घृणास्पद कृत्य , महिलांचा भाऊ आणि वडिलांची ही हत्या आणि बलात्कार हे मानव जातीला न शोभणारे कृत्य त्या समुदायानी केले.
त्या घटनेचा महाराष्ट्र अंधश्रद्धा निर्मूलन समिती तीव्र निषेध नोंदवत आहे व त्या दोषींवर कठोर कारवाई करण्यात यावी अशी विनंती महाराष्ट्र अंधश्रद्धा निर्मूलन समितीने केली आहे.
हे निवेदन मोहोळचे तहसीलदार भालचंद्र यादव यांच्या मार्फत राष्ट्रपतींना देण्यात आले. यावेळी मोहोळ शाखेचे अध्यक्ष प्रा . श्रीधर उन्हाळे, कार्याध्यक्ष मोहन व्यवहारे ,प्रधान सचिव संजय भोसले ,राज्य सरचिटणीस सुधाकर काशीद ,जिल्हा कार्याध्यक्ष धर्मराज चवरे ,अॅड विनोद कांबळे , गणेश सिरसट ,मोहन कादे ,बिरमल खांडेकर ,संदिप साळवे मानाजी थोरात ,राजेंद्र माटे , रमेश आदलिंगे आदि उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
