मोहोळ : टाकळी सिकंदर ता मोहोळ येथील शिवाजी चौकातील एका किराणा दुकानाला सकाळी आठ वाजण्याच्या सुमारास अचानक आग लागली. आगीत लाखो रुपयांच्या किराणा मालाचे नुकसान झाले, त्यात गोड तेल व खोबरे तेल यांचा मोठ्या प्रमाणात समावेश आहे. दरम्यान या आगीत कुठलीही जीवित हानी झाली नाही.
आग कशाने लागली हे समजू शकले नाही मात्र शॉर्टसर्किटनेच आग लागल्याची चर्चा घटना स्थळावर होती. दरम्यान चौकातच हे दुकान असल्याने दुकानातील माल बाहेर काढण्यासाठी व आग विझवण्यासाठी नागरिकांनी मोठी मदत केली.
या संदर्भात मिळालेल्या माहिती नुसार, पुळुज येथील दिलीप वाघमोडे यांचे टाकळी सिकंदर येथील शिवाजी चौकात किराणा मालाचे ठोक व किरकोळ विक्रीचे दुकान आहे. सकाळी आठ वाजण्याच्या सुमारास वाघमोडे हे दुकान उघडत होते.
त्यावेळी मोठ्या प्रमाणात धूर व आगीच्या ज्वाळा दुकानातून येऊ लागल्या. वाघमोडे यांना काही कळायच्या आतच आगीने रौद्ररूप धारण केले. हे दृश्य पाहतात चौकात असलेल्या नागरिकांनी आग विझविण्याचा मोठा प्रयत्न केला. तसेच भीमा साखर कारखाना व पंढरपूर नगरपरिषदेच्या अग्निशामक यंत्रणेने आग आटोक्यात आणली.
या घटनेमुळे वाघमोडे यांचे लाखोचे नुकसान झाले आहे. मात्र ही घटना पाहिल्याने वाघमोडे हे घाबरलेल्या अवस्थेत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.