मंगळवेढा - सोलापूर जिल्हा परिषदेचे मुख्य कार्यकारी अधिकारी मनीषा आव्हाळे यांच्या दालनातील खुर्च्या व काचेचे मोडतोड करून नामफलकावर शाईफेक करून दहशत निर्माण केल्याच्या कारणावरून मंगळवेढा पंचायत समितीच्या विविध विभागातील कर्मचाऱ्यांनी आज कामबंद आंदोलन पुकारले. त्यामुळे पंचायत समितीत कामासाठी आलेल्या ग्रामीण जनतेला रिकाम्या हाती परतावे लागले.
या काम बंद आंदोलनामध्ये जिल्हा परिषद कर्मचारी महासंघ मंगळवेढा,जि. प.ग्रामसेवक युनियन डीएनई-136 मंगळवेढा, जिल्हा परिषद लेखा कर्मचारी संघटना, जि. प. कर्मचारी युनियन मंगळवेढा, हा संघटनेतील कर्मचारी हे कामबंद आंदोलनात सहभागी झाले. याबाबत कारवाईच्या मागणीचे निवेदन उपविभागीय अधिकारी व तहसीलदार मंगळवेढा यांना देण्यात आले.
काल सोलापुरात बिंदू नियमावलीवरून जिल्हा परिषदेमध्ये शिक्षक भरती व पदोन्नती केली जाणार आहे या बिंदू नियमावलीत धनगर समाजाच्या जागा कमी केल्याचा राग मनात धरून काहीनी जिल्हा परिषदेचे मुख्य कार्यकारी अधिकारी मनीषा आव्हाळे यांच्या दालनात प्रवेश करून
अभ्यंगतासाठी ठेवण्यात आलेल्या खुर्च्याची फेकापैकी करून काचाची फोडतोड केली व त्यांच्या नामफलकावर शाईफेक करून निषेध व्यक्त केला या घटनेने जिल्हा परिषदेच्या कर्मचाऱ्यांमध्ये खळबळ उडाली. या घटनेवरून जि. प. विविध शाखेच्या कर्मचाऱ्यांनी या घटनेचा निषेध व्यक्त करून
काही समाजकंटकानी मुख्य कार्यकारी अधिकारी यांच्या दालनाबाहेर असलेल्या परिचरांना ढकलून या कार्यालयाची नाशधूस करून केलेल्या कृत्यामुळे कर्मचाऱ्यांमध्ये दहशतीचे व असुरक्षितेची भावना निर्माण झाली.असे कृत्य करणाऱ्या वर कठोरात कठोर कारवाई करण्यात यावी अशी मागणी निवेदनात नमूद केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
