पंढरपूर: उजनी धरणातून भीमा नदीमध्ये गुरुवारी 26 हजार 663 क्युसेक पाणी सोडण्यात आले आहे. त्यामुळे येथील चंद्रभागा नदीची पाणी पातळी वाढल्याने नदी दुथडी भरून वाहत आहे. चंद्रभागा नदीपात्रातील पुंडलिक मंदिरासह इतर मंदिरांना पाण्याने वेढले असून जुन्या दगडी पुलावर पाणी आले आहे. मागील काही दिवसांपासून उजनी धरण क्षेत्रामध्ये परतीच्या पावसाने जोर धरला आहे. त्यामुळे उजनी धरणातून भीमा नदी पात्रात पाणी सोडण्यात येत आहे. गुरुवारी उजनी धरणामध्ये 108 टक्के पाणीसाठा होता. बुधवारी सायंकाळी उजनी धरणातून भीमा नदीपात्रामध्ये 21 हजार 600 क्यूसेकचा विसर्ग होता तो गुरुवारी सकाळी 26 हजार 663 क्युसेक करण्यात आला. उजनी धरणातून सोडण्यात आलेल्या पाण्यामुळे चंद्रभागा नदीची पाणी पातळी वाढली असून नदीपात्रातील मंदिरांना पाण्याने वेढले आहे.
दरम्यान पंढरपूर तालुक्यातील बहुतांश गावांमध्ये परतीचा पाऊस जोरदार बरसला आहे. परतीच्या पावसामुळे शेतात पाणी साचले असून शेतातील उभ्या पिकांचे मोठे नुकसान केले आहे. सततच्या ढगाळ हवामानामुळे डाळिंब व द्राक्ष बागा देखील धोक्यात आल्या आहेत. * पंढरपूर तालुक्यातील गुरुवारचे मंडल निहाय पर्जन्यमान: करकंब 09 मिमी, पटवर्धन कुरोली 51 मिमी, भंडीशेगाव 53 मिमी, भाळवणी 37 मिमी, कासेगाव 19 मिमी, पंढरपूर 43 मिमी, तुंगत 32 मिमी, चळे 27 मिमी, पुळुज 13 मिमी, एकूण पाऊस 284 मिमी तर सरासरी पाऊस 31.55 मिमी *फोटो ओळी पंढरपूर: उजनी धरणातील विसर्गामुळे चंद्रभागा नदी पात्रातील मंदिरांना पडलेला पाण्याचा वेढा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.