दक्षिण सोलापूर (सोलापूर) ः ग्रामपंचायत निवडणूकीत मतमोजणीच्या ताज्या फेऱ्यानुसार तालुक्‍यातील होटगी, कुंभारी ग्रामपंचायतीवर भाजपने सत्ता मिळवली आहे. तर तांदूळवाडी ग्रामपंचायतमध्ये भाजप उमेदवारांचा पराभव झाला आहे. तालुक्‍यात एकूण 42 ग्रामपंचायतीच्या निवडणूकीची मतमोजणी आज सुरु झाली. कुरघोड ग्रामपंचायतीमध्ये विद्यमान सरपंच गटाचे सहा उमेदवार विजयी झाले आहेत. तर विरोधी गटाचे तीन उमेदवार विजयी झाले. नांदणी ग्रामपंचायतमध्ये सत्तांतर होऊन विद्यमान सरपंच चिदानंद सुरवसे यांच्या पॅनल पराभूत झाले. नांदणी ग्रामपंचायतमध्ये राष्ट्रवादीचे शिवानंद बंडे व नागण्णा बनसोडे यांच्या आघाडीचे सहा उमेदवार विजयी झाले आहेत. सत्ताधारी गटाचे तीन उमेदवार विजयी झाले आहेत. टाकळी ग्रामपंचायतीमध्ये विद्यमान सरपंच सुशिला ख्यामगोंडे यांचा पॅनलचा पराभव करत त्यांचे जावई सिताराम घोडके यांनी सात जागा जिंकून वर्चस्व सिध्द केला. मुस्तीत माजी सभापती भिमाशंकर बिराजदार व कल्याणराव पाटील यांच्या पॅनलने चौदा जागा जिंकून वर्चस्व सिध्द केले आहे. यामुळे येथील विद्यमान भाजपाचे सुनिल कळके यांची सत्ता गेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.