Solapur Crime: धक्कादायक! पत्नीसह मुलाची हत्या करून शिक्षकाने उचललं टोकाचं पाऊल; घटनेने बार्शी शहर हादरलं

सोलापूर जिल्ह्यातून खळबळजनक बातमी समोर आली आहे. सोलापूर जिल्ह्यातील बार्शी तालूक्यात एका शिक्षकाने पत्नीसह मुलाचा निर्घृण खून करून स्वतः आत्महत्या केल्याची धक्कादायक माहिती समोर आली आहे. या घटनेमुळे परिसरात हळहळ व्यक्त होत आहे.

ही घटना बार्शी शहरातील नाईकवाडी प्लॉट येथे घडली आहे. अतुल मुंडे असे पत्नी आणि मुलाची हत्या करून आत्महत्या करणाऱ्या शिक्षकाचे नाव असल्याची माहिती आहे. मुंडे पती-पत्नी दोघेही शिक्षक होते. तर मुंडे यांनी टोकाचे पाऊल का उचलले याचे कारण अद्याप अस्पष्ट आहे. घटनेची माहिती मिळताच पोलीस घटनास्थळी दाखल झाले असून, आधी पत्नी आणि मुलाची हत्या करून स्वतः आत्महत्या केली असल्याचा संशय व्यक्त केला आहे.

मिळालेल्या माहितीनुसार, अतुल सुमंत मुंडे (वय 40), तृप्ती अतुल मुंडे (वय 35) ओम सुमंत मुंडे (वय 5) या तिघांचा मृत्यू झाला आहे. प्राथमिक माहितीनुसार, अतुल मुंडे यांनी आधी पत्नी तृप्ती यांची गळा कापून हत्या केली. तर मुलगा सुमंत याच्या तोंडावर उशी ठेवून त्याची हत्या केली. त्यानंतर गळफास घेतं आपलं जीवन संपवलं आहे. अतुल मुंडे यांनी हे टोकाचं पाऊल का उचललं याबाबत पोलीस तपास करीत आहेत.

या घटनेने परिसरात खळबळ उडाली आहे. या घटनेची माहिती मिळताच परिसरातील नागरिकांनी घटनास्थळी धाव घेतली. पोलीसही घटनास्थळी दाखल झाले. पोलीस घटनेचा तपास आहेत.