Ujani Dam Water Storage : उजणी मायनसमधून प्लसमध्ये; शेतकऱ्यांमध्ये आनंदाचे वातावरण

पिंपळनेर : सोलापूर जिल्ह्याचे वरदान असणाऱ्या उजनी धरणाच्या पाणलोट क्षेत्रामध्ये (पुणे जिल्ह्यात) गेल्या दोन दिवसापासून होत असलेल्या मुसळधार पावसामुळे उजणी धरणात येणा-या विसर्गात झपाट्याने वाढ होत असून; सोलापूर जिल्ह्याची वरदायिनी असलेली उजनी आज(ता.२६) सकाळी नऊच्या दरम्यान मायनस मधून प्लस मध्ये आली आल्याने शेतक-यांमध्ये आनंदाचे वातावरण निर्माण झाले आहे.

आज आज सकाळी नऊ वाजून दहा मिनिटांनी उजनी धरण मृत(मायनस) साठ्या मधून जिवंत(प्लस) साठ्यात आले. दौंड येथून येणा-या पाण्याच्या विसर्ग एक लाखांच्या पुढे गेला असून सध्या एक लाख 48 हजार 732 क्यूसेकचा विसर्ग जलाशयात येत आहे. येणारा प्रवाह वाढत असल्याने सायंकाळपर्यत प्लस पाच ते सहा टक्के धरणाच्या पाणीसाठ्यात वाढ होईल.

आज सकाळी 9:30 वाजता 0.13% उजनी धरणाची पातळी झाली. गेल्या २४ तासात १४टक्कयांनी उजणीच्या पाणी पातळीत वाढ झाली तर ५६ दिवसात ३३टिएमसी पाण्यात वाढ झाली आहे. सात महिन्यापूर्वी २१ जानेवारीला उजनी मृत साठ्यात गेले होते.

गुरुवारी संध्याकाळी बंद गार्डन येथील विसर्ग घटला असला तरी दौंड येथील विसर्ग दीड लाख क्युसेस पर्यंत गेला आहे. सध्या बंड गार्डन येथून ४१ हजार ५७१ क्युसेस विसर्ग सुरू आहे. गेल्या २४तासात उजणीत आठ टिएमसी पाणी साठा जमा झाल्यामुळे आजपासून उजणी उपयुक्त पाणीसाठ्यात येत असल्यामुळे ऊस लागवडीस वेग येणार आहे. सध्या खडकवासला मधून १४हजार क्युसेस, मुळशी-दहाहजार ७००, कासायसाई१६००, वडीवळे-२१७२ चाकसमान- ६हजार३०, कळमोडी-३०००, चिलईवाडी-२०००, वडज-४०००क्युसेस विसर्ग उजणीधरणात येत आहे.