Sting Operation : सांगलीचा उडता पंजाब करायचा आहे का? 'सकाळ'ने नशेखोरीचा 'स्टिंग ऑपरेशन'च्या माध्यमातून केला पंचनामा

सांगली जिल्ह्यातील गुन्हेगारीचा (Sangli Crime) आलेख सातत्याने वाढत आहे. त्यामध्ये नशाखोरी हे प्रमुख कारण समोर येत आहे. १४ ते २४ वयोगटांतील अनेक युवकांना नशेने पोखरलेले, अनेकांना घेरले आहे. खून, खुनाचा प्रयत्न, वाटमारी, सोनसाखळी चोरी, किरकोळ कारणातून हाणामारी, अशा घटना वाढतच आहेत. त्यामध्ये या नशेखोर तरुणांचा सहभाग प्रकर्षाने दिसून येत आहे. गांजा आणि नशेच्या गोळ्या सहज उपलब्ध होत असून, त्याच्या आहारी गेलेले तरुण गुन्हेगारी टोळ्यांमधून सक्रिय होत आहेत.