महाराष्ट्र-कर्नाटक सीमेवर कडक बंदोबस्त करा!

कोगनोळी : कोगनोळी येथील राष्ट्रीय महामार्ग (National Highway 4) क्रमांक चार वर दूधगंगा नदीवर असणाऱ्या कर्नाटक(Karnataka) सीमा तपासणी नाक्याला बेळगाव जिल्हाधिकारी एम जी हिरेमठ यांनी भेट देऊन सुरु असलेल्या कामकाजाची पाहणी केली.

यावेळी बोलताना जिल्हाधिकारी एम जी हिरेमठ म्हणाले, महाराष्ट्र व इतर राज्यांतून कर्नाटकात प्रवेश करणाऱ्या प्रवाशांचे ओळखपत्र व आरटीपीसीआर रिपोर्ट पाहूनच कर्नाटकात प्रवेश द्यावा. बंदोबस्त कडक करण्यात यावा. रिपोर्ट नसणाऱ्या प्रवाशांना कर्नाटकात प्रवेश देऊ नये त्यांना परत महाराष्ट्रात पाठवून देण्यात यावे. महाराष्ट्र राज्यात दोन दिवसांमध्ये रुग्ण संख्या वाढत असल्याने जिल्ह्यात खबरदारीच्या उपाययोजना करण्यात आले आहेत.

निपाणीचे तहसीलदार डॉक्टर मोहन भस्मे यांनी कर्नाटक सीमा तपासणी नाक्यावर सुरू असणार्‍या कामकाजाची माहिती दिली. यावेळी निरीक्षक अभिजीत गायकवाड, सर्कल अजित वंजोळे, निपाणी ग्रामीण पोलीस स्टेशनचे उपनिरीक्षक अनिल कुंभार, उपनिरीक्षक सिद्रामप्पा उनद, कोगनोळी पोलीस स्टेशनचे एएसआय एस ए टोलगी, एएसआय एस ए कंभार, राजू गोरखनावर, आरोग्य सेविका जयशिला, आशा कार्यकर्त्या अश्विनी खोत, राजश्री ढाले उपस्थित होते.