यमगर्णी महामार्ग खुला, पण वाहतूक बंद

निपाणी (बेळगाव): यमगर्णी वेदगंगा नदी परिसरातील पूर झपाट्याने ओसरू लागला आहे. परिणामी तब्बल चार दिवसांनंतर येथील राष्ट्रीय महामार्गावरील पाणी ओसरल्याने साेमवारी (ता‌. २६) पहाटे महामार्ग खुला झाला. मात्र प्रशासनाने अद्याप वाहतूक सेवा सुरू केलेली नाही. सायंकाळनंतर महामार्ग वाहतुकीसाठी खुला हाेईल, असे मंडल पाेलिस निरीक्षक शिवयाेगी संगमेश यांनी सांगितले.

अतिवृष्टीमुळे गुरुवारी (ता.२२) रात्री उशीरा यमगर्णी वेदगंगा नदीला पूर आल्याने राष्ट्रीय महामार्ग पाण्यात बुडाला हाेता. त्यानंतर पावसाचा जाेर वाढल्याने महामार्गावरील पाणी पातळीत झपाट्याने वाढ हाेत जाऊन ती आठ ते फूटांपर्यंत पाेचली हाेती. त्यामुळे वाहतूक बंद करून येथे कडक बंदाेबस्त ठेवला हाेता. वाहतूकीसाठी महामार्ग बंद झाल्याने महामार्गाच्या दाेन्ही बाजुला वाहने अडकून पडली आहेत. त्यामुळे वाहनांच्या रांगा लागल्या आहेत.

साेमवारी (ता. २६) महामार्ग खुला झाला तरी वाहतूक सुरु केलेली नाही. नजिकच्या महाराष्ट्रातील कागल, शिराेली येथील महामार्गावर अद्याप काही प्रमाणात पाणी असल्याची माहिती प्रशासनाला मिळाली आहे. संपूर्ण महामार्ग खुला झाल्यास वाहतूक सुरळीत हाेईल, असे प्रशासनाला वाटते. महामार्ग वाहतूकीसाठी सुरु करण्याबद्दल स्थानिक प्रशासन जिल्हाधिकारी व जिल्हा पाेलिस प्रमुखांच्या संपर्कात आहे. जिल्हा प्रशासनाने अद्याप महामार्ग वाहतूकीसाठी खुला करण्यास मुभा दिलेली नाही. सायंकाळ पर्यंत वाहतूक सुरू हाेईल, असे मंडल पाेलिस निरीक्षक शिवयाेगी संगमेश यांनी सांगितले. सध्या महामार्गावर वाहनांची रांग असल्याने वाहतूक सुरु झाल्यावर ती सुरळीत करण्यासाठी प्रशासनाला प्रयत्न करावे लागणार आहेत.

कार काढण्यासाठी प्रयत्न

महामार्गावर पूरात ट्रक व कार ही वाहने शुक्रवारी अडकली हाेती. त्यापैकी कार पूरात वाहून गेली हाेती. साेमवारी सकाळी पाणी ओसरल्याने कार काढण्यासाठी प्रयत्न सुरु होते.

नजीकच्या महाराष्ट्रातील हद्दीत अद्याप काही ठिकाणी पाणी असल्याचे समजते. वाहतूकीसाठी अद्याप परवाना मिळालेला नाही. सायंकाळपर्यंत वाहतूक सुरू हाेईल.

-शिवयाेगी संगमेश, मंडल पाेलिस निरीक्षक, निपाणी