Travels Bus Accident : मोठी दुर्घटना!कोकरूड-नर्ले पुलाजवळ खाजगी बसला अपघात; ४० प्रवासी करत होते बसमधून प्रवास

कोकरूड : ता.०९ :

शिराळा येथे शाहूवाडी तालुका हद्दीत कोकरूड-नर्ले पुलाजवळ एका खासगी बसचा अपघात झाला असुन सुदैवाने यामध्ये कोणत्याही प्रकारची जीवितहानी झालेली नाही. (Travels Bus Accident) झाला आहे. ही बस पुलावरून खाली कोसळून हा अपघात झालाय.

याबाबत घटनास्थळावरून मिळालेली माहिती अशी की, पावलो टूर्स अँड ट्रॅव्हल्स कंपनीची ट्रॅव्हल्स क्र. AR -11 A-7567 पणजी,गोवा येथून ४० प्रवासी मुबंईला जाण्यासाठी अनुस्कुरा, अंबाघाट, मलकापूर मार्गे मुबंईला निघाली होती. सकाळी सहाच्या दरम्यान कोकरूड येथील वारणा नदीवरील कोकरूड-नर्ले पुलाजवळ आली असता, तीव्र वळणार चालकाला रस्त्याचा अंदाज न आल्याने पुलाला घासून ३० फूट खाली गेली.

मात्र बसवरील चालकाने गाडीचा ताबा न सोडल्याने मोठी जीवितहानी टळली. यामध्ये प्रवाशांना कोणत्याही प्रकारची इजा झालेली नाही.अपघाताची घटना समजताच लोकांनी मोठी गर्दी केली होती.कोकरुड, नर्ले,तुरूकवाडी येथील स्थानिक लोकांनी गाडीतील प्रवाशांना सुखरूप बाहेर काढण्यास मदत केली. यातील काही प्रवासी मुबंई व पुणे येथे निघाले होते. यामध्ये गाडीचे मोठया प्रमाणात नुकसान झाले आहे.