नवरात्रीच्या दिवसांत फळांची मागणी वाढली असून फळे घेण्यासाठी बाजारात ग्राहकांची गर्दी दिसत आहे.
सांगली : नवरात्रीचे उपवास सुरू झाले आहेत. या नऊ दिवसांत अनेक कुटुंबांत प्रामुख्याने शाकाहारास प्राधान्य दिले जाते. त्यामुळे भाजीपाल्याच्या मागणीत वाढ झाली आहे. त्याचा परिणाम भाज्यांच्या दरावर झाला आहे. दसऱ्याच्या पार्श्वभूमीवर बाजारात वांगी, फ्लॉवर, टोमॅटो, कोबीचे दर वाढले आहेत. गेल्या महिन्यापेक्षा टोमॅटोच्या दरात ४० रुपयांनी वाढ झाली असून सध्या किलोचा दर १०० रुपये आहे.
कोथिंबिरीचे दर मागील आठवड्यात घसरले असून, पालेभाज्यांची आवक कमी झाल्याने दर वाढले आहेत, अशी माहिती व्यापाऱ्यांनी दिली. नवरात्रीच्या पार्श्वभूमीवर भुईमूग, ओल्या शेंगांची मागणी वाढली आहे. भाज्यांचे किलोप्रमाणे दर (रुपयांत) पुढीलप्रमाणे ः कांदा ५० ते ६०, बटाटा ४०, लसूण ४००, आले १००, भेंडी ६०, घेवडा ४०, हिरवी मिरची ८०, काकडी १००, वांगी १००, दोडका ८०, पावटा ७०, फ्लॉवर १००, भुईमूग शेंगा ९०, कारली ४०, टोमॅटो १००, सिमला मिरची ६० ते ७०, बिन्स १००, गाजर ६०, गवार ५०, रताळी ८०, दुधी भोपळा १० प्रति नग, कोबी ४०, लिंबू २० रुपयांना दोन नग, पालेभाज्यांचे दर मेथी ३० रुपये पेंडी, पालक ३० रुपये असून, कोथिंबीर १० रुपये दराने विकली जात आहे.
नवरात्रीत नऊ दिवस उपवास केला जातो. अनेक भाविकांकडून या कालावधीत फक्त फळांचे सेवन केले जाते. नवरात्रीच्या दिवसांत फळांची मागणी वाढली असून फळे घेण्यासाठी बाजारात ग्राहकांची गर्दी दिसत आहे. सीताफळ, सफरचंद, पेरू, केळी आणि संत्री या फळांना अधिक मागणी आहे. फळांचे किलोप्रमाणे दर (रुपयांत) पुढीलप्रमाणे ः संत्री लहान ३००, मोठी २००, सीताफळ १००, मोसंबी १००, डाळिंब १२०, ड्रॅगन फ्रूट १६०, पेरू ८० ते १००, सफरचंद १२०, पेर १००, केळी ६० रुपये डझन, पपई २० प्रती १ नग.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
