पिंपरी-चिंचवडमध्ये ७१६ नवीन रुग्ण; आठ रुग्णांचा मृत्यू

पिंपरी - शहरात गुरुवारी ७१६ रुग्ण (Corona Patient) आढळले. एकूण रुग्णसंख्या दोन लाख ४४ हजार ६६३ झाली आहे. आज एक हजार ९९ जणांना डिस्चार्ज (Discharge) देण्यात आला. बरे झालेल्या एकूण रुग्णांची संख्या दोन लाख २७ हजार ४९८ झाली आहे.

सध्या १३ हजार ३६१ सक्रिय रुग्ण आहेत. आज शहरातील आठ रुग्णांचा मृत्यू झाला. आजपर्यंत शहरातील तीन हजार ८०४ जणांचा मृत्यू झाला आहे. सध्या रुग्णालयांत चार हजार ५६६ रुग्ण उपचार घेत आहेत. आठ हजार ७९५ रुग्ण होम आयसोलेट आहेत.

आजपर्यंत चार लाख ७० हजार ९४२ व्यक्तींना लस देण्यात आली आहे. शहरात सध्या २२७ मेजर कंटेन्मेट झोन आहेत. एक हजार ८४८ मायक्रो कंटेन्मेंट झोन आहेत.

कंटेन्मेंट झोनमधील दोन हजार २५४ घरांना आज स्वयंसेवकांनी भेट दिली. सात हजार ८८३ जणांचे विलगीकरण करण्यात आले.