Ajit Pawar Interview: ‘दिलखुलास दादा’; अजित पवारांची बिनधास्त उत्तरं

Ajit Pawar Exclusive Interview: राज्य सरकारमधील १६ आमदार अपात्र ठरणार, त्यामुळे शिंदे-फडणवीस सरकार पडणार, राष्ट्रवादी काँग्रेसचे नेते तथा विधानसभा विरोधी पक्षनेते अजित पवार पुन्हा भाजपसोबत जाणार, महाराष्ट्रात राजकीय भूकंप होणार, अशा वृत्तांनी दोन दिवसांपूर्वी राज्याच्या राजकारणात खळबळ उडवून दिली होती. त्याबाबत अजित पवार यांनी खुलासा केला, त्यामुळे चर्चा थोडी थंडावली. पण ती पूर्णपणे शमली नाही. त्यामुळे त्यांच्या भूमिकेबाबत अजूनही तर्कवितर्क लावले जात आहेत.

या पार्श्वभूमीवर ‘सकाळ माध्यम समूहा’तर्फे आयोजित ‘दिलखुलास दादा’ या प्रकट मुलाखती विविध विषयांवर बिनधास्त भाष्य केलं. त्यांच्या या मुलाखतीकडं अवघ्या महाराष्ट्राचे लक्ष लागून राहिलं होतं. चिंचवडच्या प्रा. रामकृष्ण मोरे प्रेक्षागृहात शुक्रवारी (ता. २१) सायंकाळी ही मुलाखत पार पडली. या वेळी ‘सकाळ’निर्मित ‘दिलखुलास दादा’ या कॉफीटेबल पुस्तकाचे प्रकाशनही झाले. त्यांचा जीवनप्रवास व त्यांच्या कामाची, स्वभावाची वैशिष्ट्ये पुस्तकात मान्यवरांनी शब्दबद्ध करण्यात आली आहेत.