Assembly Election 2024 : सुहासिनी मालामाल! औक्षण करताना उमेदवारांकडून हजारो रुपयांची ओवाळणी
प्रचार काळात उमेदवारांच्या औक्षणाचा हा प्रकार काही नवा नसला; तरी सध्या त्याचे प्रमाण अधिकच वाढलेले दिसते. कारण औक्षणाच्या ताटात आता शंभराच्याच नव्हे; तर चक्क पाचशेच्या नोटा पडत आहेत.
पिंपरी - निवडणूक प्रचारासाठी पायाला भिंगरी लावून मतदारसंघ पिंजून काढताना उमेदवारांच्या कपाळावर कुंकवाचा टिळा आणि गळ्यात हार असलेले दिसून येत आहेत. मतदारांच्या भेटीगाठी घेत असताना महिलांकडून त्यांचे औक्षण केले जात आहे.
