भोसरीत तरुणाचा गळा आवळून खून; जीपमध्ये आढळला मृतदेह

पिंपरी : भोसरी एमआयडीसीमध्ये तरुणाचा गळा आवळून खून केल्याचा प्रकार उघडकीस आला. एका जीपमध्ये मृतदेह आढळला. राकेश रघुनाथ भिलारे (वय ३२) असे खून झालेल्या तरुणाचे नाव आहे.

भोसरी एमआयडीसीतील जे ब्लॉक येथील नवाकार कंपनीसमोरील रस्त्यावर उभ्या असलेल्या जीप मध्ये त्यांचा मृतदेह सापडला. कशाच्या तरी सहाय्याने गळा आवळून त्यांचा खून केला आहे. हा खून केला, कोणत्या कारणासाठी केला. हे अद्याप स्पष्ट झालेले नाही. याप्रकरणी एमआयडीसी पोलिस ठाण्यात गुन्हा दाखल झाला असून पोलिस अधिक तपास करीत आहेत.