![Illegal Hoardings](http://media.assettype.com/esakal%2F2024-05%2Fa37f55fc-29d5-4bf5-83dc-7773c731f367%2F13.jpg?w=480&auto=format%2Ccompress&fit=max)
कुरुळी - चाकण औद्योगिक वसाहत परिसराला नियमबाह्य आणि धोकादायक होर्डिंगचा विळखा पडला आहे. हे होर्डिंग काढावे, अशी संतप्त प्रतिक्रिया वाहनधारक, स्थानिक ग्रामस्थांमधून उमटत आहेत.
चाकण एमआयडीसी, कुरुळी, चिंबळीफाटा, आळंदी फाटा, मोई, निघोजे परिसरात शेकडो महाकाय होर्डिंग झळकत आहेत. दरवर्षी पावसाळ्यात होर्डिंग कोसळण्याच्या दुर्घटना घडतात. यामध्ये अनेकांनी आपला जीव नाहक गमावला तर काहींना कायमचे अपंगत्व आले आहे. धोकादायक आणि नियमबाह्य होर्डिंगचा कायमस्वरूपी बंदोबस्त व्हायला हवा, त्यासाठी ‘पीएमआरडीए’ आणि संलग्न प्रशासनाच्या वरिष्ठ अधिकाऱ्यांनी याकडे लक्ष याकडे द्यावे, यासंदर्भात कठोर भूमिका घ्यावी, अशी मागणी परिसरातील नागरिक व्यक्त करीत आहेत.
खेड तालुक्यातील पुणे-नाशिक महामार्ग, विविध गावांच्या भागांतही मोठ्या प्रमाणात अनधिकृत फ्लेक्स उभारले आहेत. तेही तातडीने काढावे, अशी मागणी ग्रामस्थ व प्रवाशांमधून होत आहे.
होर्डिंगला आकाराची मर्यादा असावी, त्याचबरोबर सर्व नियमांची प्रामाणिकपणे पूर्तता करावी. होर्डिंग मालकांनी योग्य खबरदारी घ्यावी, जेणेकरून दुर्घटना टाळता येईल.
- सुनीता येळवंडे, सरपंच, निघोजे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.