जुनी सांगवी - सांगवी येथील बाबूरावजी घोलप महाविद्यालयातील राष्ट्रीय छात्र सेनेची छात्र अनुष्का सचिन साठे हिची प्रजासत्ताक दिनाला कर्तव्यपथ (राजपथ) दिल्ली येथे होणाऱ्या संचलनासाठी निवड झाली आहे.
महाराष्ट्रातून १२२ कॅडेटची या संचलनासाठी निवड झाली करण्यात आली आहे. त्यामध्ये पुणे ग्रुपमधून २९ कॅडेटची निवड झाली असून, त्यामध्ये २ महाराष्ट्र बटालियनच्या १५ कॅडेटची निवड झाली आहे. यामध्ये अमरावती, औरंगाबाद, कोल्हापूर, नागपूर, मुंबई अ, मुंबई ब आणि पुणे यांचा समावेश असतो. यात अनुष्का ही बाबरावजी घोलप महाविद्यालयाची व २ महाराष्ट्र बटालियन एनसीसीची छात्र आहे.
राष्ट्रीय पथसंचलनासाठी निवड होणे महाविद्यालयाच्यादृष्टीने अभिमानाची बाब असल्याचे मत प्राचार्य डॉ. बाळकृष्ण झावरे यांनी व्यक्त केले आहे.
संचलनासाठी मला संधी मिळणे हे माझ्यासह कुटुंबीयांसाठी गौरवाची बाब आहे. खूप सरावानंतर ही संधी मला मिळाली आहे. त्यामुळे माझे व माझ्या घरच्यांचे स्वप्न पूर्ण झाले असल्याचे अनुष्का हिने सांगितले.
शहरात एकमेव एनसीसी युनिट
एनसीसी युनिट महाविद्यालयामध्ये शैक्षणिक वर्ष २०१६ मध्ये सुरू झाले असून, अनेक छात्रांची सैन्यदल, पोलिसदल व अग्निशामक दलात निवड झाली आहे. आतापर्यंत पाच छात्रांची कर्तव्य पथ (राजपथ) दिल्ली येथे होत असलेल्या पथसंचलनासाठी निवड झालेली असून, आमच्यासाठी कौतुकास्पद व अभिमानाची बाब आहे, अशी माहिती एनसीसी युनिटचे प्रमुख लेफ्टनंट डॉ. विठ्ठल नाईकवाडी यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.