पिंपरी शहरात ओमीक्रॉनचे ५ नवीन रुग्ण आढळले

पिंपरी - शहरात ओमीक्रॉनचे (Omicron) ५ नवीन रुग्ण (Patient) आढळलेले आहेत. यापैकी ४ पुरुष व एक महिला आहेत. हे रुग्ण रँन्डम तपासणीत ओमायक्रॉन पॉझीटिव्ह (Positive) आले आहेत. या रुग्णांना रुग्णालयात दाखल करुन घेण्याची कार्यवाही सुरु आहे. सर्व रुग्णांची प्रकृती स्थिर आहे.

एकूण ८८ कोविड- १९ पॉझिटीव्ह रुग्णांपैकी ६३ रुग्णांची पुन्हा १० व्या दिवशी कोविड १९ ची तपासणी करण्यात आली. असता कोविड १९ तपासणीचा अहवाल नकारात्मक आला असुन या रुग्णांना घरी सोडुन गृहविलगीकरणात ठेवण्यात आलेले आहे. उर्वरित परदेशी प्रवाशांची कोविड १९ तपासणी करण्याचे कामकाज चालू असल्याचे सहाय्यक आरोग्य वैद्यकिय अधिकारी डॉ.लक्ष्मण गोफणे यांनी सांगितले. शहरामध्ये परदेशातून आलेल्या प्रवाशांचे देखील क्षेत्रिय कार्यालयस्तरावर सर्वेक्षण सुरु आहे. पिंपरी चिंचवड महानगरपालिकेच्या वतीने परदेशामधून आलेल्या नागरिकांची तपासणी करण्यात येत आहे. आजपर्यंत ४६ जणांना ओमायक्रॉन लागण झाली. त्यातील ३२ जण संसर्गमुक्त झाले. तर, १४ सक्रिय रुग्णांवर उपचार सुरु आहेत.