पिंपरी : फुगेवाडीतील विठ्ठल मंदिराशेजारी एक घर शनिवारी सकाळी कोसळले. या घराच्या ढिगाऱ्याखाली चौदा वर्षीय मुलगी अडकली. मात्र, युद्धपातळीवर बचावकार्य राबविल्याने मुलीला सुखरूप बाहेर काढण्यात यश आले. (Pune News)
पौर्णिमा मडके असे ढीगाऱ्याखाली अडकलेल्या मुलीचे नाव आहे.
फुगेवाडीतील स्पोर्ट्स क्लब मंडळाजवळ हे घर असून शनिवारी कुटुंबातील सदस्य घरात असताना अचानक घर कोसळले. त्यावेळी घरात माहिलेसह त्यांच्या दोन मुली होत्या. घराचा छत कोसल्यानंतर महिला व एक मुलगी बाहेर पडली. मात्र, पौर्णिमा ढिगाऱ्याखाली अडकली. घराचे छत व भिंती पडल्याने मोठा ढिगारा होता.
घटनेची माहिती मिळताच अग्निशामक दलाचे जवान व पोलिस घटनास्थळी दाखल झाले. स्थानिक नागरिकांसह बचावकार्य सुरु झाले . अरुंद जागा असल्याने बचाव कार्यात अडथळा येत होता. काही वेळाने मुलीला सुखरूप बाहेर काढण्यात यश आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
