जुनी सांगवी : पिंपळे गुरव वरुन पुणे मार्केट यार्ड येथे जाणा-या पीएमपीएमएलच्या बसने पिंपळे गुरव दापोडी पुलावर अचानक पेट घेतला. धुर निघत असल्याचे लक्षात येताच प्रसंगावधान राखून चालक व वाहकाने प्रवाशांना बाहेर पडायला सांगितले. सर्व प्रवाशी सुखरुप बाहेर पडल्याने अनर्थ टळला. पिंपळे गुरव बसस्थानक ते पिंपळे गुरव दापोडी पुल हे साधारण दोन ते तीन कि.मी.अंतर आहे.
सकाळी १०:३० ते ११ दरम्यान ही घटना घडली. सजग स्थानिक नागरिक रोहन दाभाडे व ऋषभ काटे हे बसच्या मागे दुचाकीवर प्रवास करत होते. त्यांनी प्रसंग लक्षात येताच तात्काळ पिंपरी-चिंचवड महापालिकेच्या अग्निशामक दलास घटनेची माहिती दिली.पिंपरी चिंचवड महापालिकेचे दोन बंब तात्काळ घटनास्थळी दाखल झाले. त्यांनी आग विझवली.रस्त्याचे सुरू असलेले काम व अरूंद पुल यात या घटनेमुळे एक तास रस्त्यावर वाहतूकीची कोंडी झाली होती. तर बंघ्यांची मोठी गर्दी झाली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
