बेबडओहोळ (ता. मावळ) : 'आयुष्य असंच निगेटिव्ह पॉझिटिव्हमध्ये जाणार का', अशी कैफियत तीन वेळा कोरोना टेस्ट केलेल्या मावळ तालुक्यातील शेलारवाडी येथील ३६ वर्षीय तरुणाने मांडलीय.
या बाबत मावळ तालुक्यातील शेलारवाडी येथील ३६ वर्षाचे तरुण म्हणाले, की आमच्या शेलारवाडी २९ जून रोजी तीन कोरोना पॉझिटिव्ह पेशंट सापडले. मी त्यांच्या संपर्कात आल्याने मी त्या दिवसापासून माझ्या घरात डॉक्टरांच्या सल्लाने होम क्वारंटाइन झालो. कुटुंबापासून विलग राहायला लागलो. माझ्यात कोणतीच लक्षणे नव्हती, तरीही खबरदारी म्हणून एक जुलै रोजी पहिली टेस्ट सोमाटण्यातील स्पर्श हॉस्पिटलमध्ये केली. त्याचा रिपोर्ट निगेटिव्ह आला. त्यानंतर परत मी खात्री करावी म्हणून दोन जुलै रोजी दुसरी टेस्ट हिंजवडीतील रूबी हॉल हॉस्पिटल येथे केली, त्यांचा रिपोर्ट पॉझिटिव्ह आला.
या प्रकारामुळे मी चांगलाच घाबरलो व आमच्या फॅमिली डॉक्टरांचा सल्ला घेतला. तेव्हा ते मला म्हणाले, की कोणतीही लक्षणे नाही. तरी रिपोर्ट पॉझिटिव्ह कसा? असा प्रश्न करत ते मला गंमतीने म्हणाले तू पॉझिटव्ह असेल, तर मी ही पॉझिटिव्ह पाहिजे. त्यामुळे पुन्हा अजून एक टेस्ट करण्याचा सल्ला दिला. त्यानुसार मी तीन जुलैला तिसरी कोरोना टेस्ट पुणे महापालिका व क्रस्ना डायग्नोस्टिक संचलित खासगी लॅब येथे केली. तो रिपोर्ट निगेटिव्ह आला. मी रिपोर्टवर विश्वास न ठेवता माझ्या कुटुंबाची व माझी खबरदारी घेत चार जुलै रोजी स्वतःहून दुपारी अॅडमिट झालो.
पिंपरी-चिंचवडच्या बातम्या वाचण्यासाठी येथे ► क्लिक करा
दरम्यान, याबाबत तरुण म्हणाले, की तात्पर्य एवढेच की रुग्णालयावरील तपासणीवर विश्वास ठेवायचा का नाही. सहा व सात हजार रुपये तपासणीसाठी खर्च करूनही टेस्टवर किती विश्वास ठेवायचा हा प्रश्न आहेच?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.