करंजगाव : नाणे मावळातील करंजगाव येथील माळावर महावितरणच्या गलथान कारभारामुळे शेतकऱ्याच्या म्हशीला जीव गमवावा लागला तर स्थानिक नागरिकांच्या सतर्कतेमुळे एका म्हशीचे प्राण वाचले. नाणे मावळातील एकाच आठवड्यातील ही दुसरी घटना असून नागरिकांमध्ये महावितरण बद्दल संतापाची भावना आहे.
करंजगाव येथील माळावर दोन दिवसांपूर्वी डीपीडीसी अंतर्गत महावितरणकडून विद्युत वाहिनीचे काम करण्यात आले होते. हे काम अतिशय निकृष्ट दर्जाचे असल्याने अवघ्या दोनच दिवसात खांबावरील तारा जमिनीवर आल्या. तारांमध्ये असणाऱ्या विद्युत प्रवाहाच्या संपर्कात येताच गणेश सुरेश पोटफोडे यांच्या म्हशीचा मृत्यू झाला. यावेळी स्थानिक नागरिकांनी दगड मारुन दुसऱ्या म्हशीला पळवून लावल्याने सुदैवाने तिचा जीव वाचला.
दरम्यान,याच आठवड्यात नाणे गावातील एका शेतकऱ्यांच्या गाईचा विद्युत प्रवाहाच्या संपर्कात याचा मृत्यू झाला होता. एकाच आठवड्यात मावळातील ही दुसरी घटना असल्याने नागरिकांमध्ये महावितरणबद्दल प्रचंड रोष असून महावितरणने लवकरात लवकर उपाययोजना केल्या नाहीत तर मोठे आंदोलन उभे करण्यात येईल असे विकास पोटफोडे, सहादू पोटफोडे, माजी ग्रामपंचायत सदस्य भाऊ साबळे यांनी सांगितले.
दोन तरुणांनाही प्राण गमावले
पठारावर मेंढीमाळात विजेचा करंट
बसून शिरदेतील अविनाश खेमाजी
बगाड (वय १६), रवींद्र सीताराम
बगाड (वय २३) या शिरदे गावातील तरुणांचा जागेवर मृत्यू झाला.
प्रमोद महाजन ( सहाय्यक कार्यकारी अभियंता एमएसईबी ) : डीपीडीसी अंतर्गत करण्यात आलेल्या कामाची व संबंधित ठेकेदाराची चौकशी करण्यात येणार असून मृत म्हशीच्या मालकाला मदत मिळवून देण्यासाठी प्रयत्नशील राहणार आहे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
