बजाज उद्योग समूहाचे माजी अध्यक्ष राहुल बजाज यांच्या पार्थिवाचे अंत्यदर्शन विविध क्षेत्रातील व्यक्ती घेत आहेत.
पिंपरी - बजाज उद्योग समूहाचे माजी अध्यक्ष राहुल बजाज (Rahul Bajaj) यांच्या पार्थिवाचे अंत्यदर्शन (Funeral) विविध क्षेत्रातील व्यक्ती घेत आहेत. आकुर्डी येथील बजाज ऑटो कंपनीच्या आवारातील मैदानावर पार्थिव अंत्यदर्शनासाठी ठेवले आहे.
राष्ट्रवादी काँग्रेसचे अध्यक्ष तथा राज्यसभा सदस्य शरद पवार, पर्यटन मंत्री आदित्य ठाकरे, सकाळ माध्यम समूहाचे आणि पुण्यातील शासकीय अभियांत्रिकी महाविद्यालयाचे अध्यक्ष प्रतापराव पवार, पिंपरी चिंचवडच्या महापौर उषा ढोरे, खासदार श्रीरंग बारणे, महापालिका पक्षनेते नामदेव ढाके, ज्येष्ठ शास्त्रज्ञ डॉ. रघुनाथ माशेलकर यांच्यासह उद्योग क्षेत्रातील अनेक मान्यवर व कामगारांनी अंत्यदर्शन घेतले. बजाज परिवारातील मधूर बजाज, संजीव बजाज, राजीव बजाज आदींचे सांत्वन केले.
राहुल बजाज यांचे पुण्यातील खासगी रुग्णालयात शनिवारी निधन झाले. आकुर्डी येथे रविवारी दुपारी तीन वाजेपर्यंत बजाज यांचे पार्थिव अंत्यदर्शनासाठी ठेवण्यात येणार आहे. त्यानंतर पुण्यातील वैकुंठ स्मशानभूमीत अंत्यसंस्कार केले जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.