सोलापूरमधून प्रणिती शिंदे तर माढ्यातून मोहितेंचा विजय

सोलापूर, ता. ४ : माढा लोकसभा मतदारसंघातून राष्ट्रवादी काँग्रेस शरदचंद्र पवार पक्षाचे धैर्यशील मोहिते-पाटील तर सोलापूर मतदारसंघातून काँग्रेसच्या प्रणिती शिंदे दणदणीत मताधिक्याने विजयी झाले.
प्रणिती शिंदे यांनी ७४ हजार १९८ मताधिक्याने विजय मिळविला आहे. मोहोळ, पंढरपूर-मंगळवेढा, सोलापूर दक्षिण या विधानसभा मतदारसंघाने त्यांना मोठे मताधिक्य दिले. भाजपचे उमेदवार राम सातपुते यांना अक्कलकोट, सोलापूर दक्षिण व सोलापूर शहर मध्य या विधानसभा मतदारसंघातून अपेक्षेपेक्षा कमी मताधिक्य मिळाल्याने त्यांचा पराभव झाला.
धैर्यशील मोहिते-पाटील हे १ लाख २० हजार ७६० मतांनी विजयी झाले.
त्यांना माळशिरस, माढा, करमाळा या विधानसभा मतदारसंघातून मोठे मताधिक्य मिळाले. भाजपचे उमेदवार रणजितसिंह नाईक निंबाळकर यांना त्यांच्या फलटण व माणमधून मोठे मताधिक्य न मिळाल्याने त्यांचा पराभव झाला.