पिंपरी - स्वयंपाकाच्या गॅस सिलिंडरमधून गळती होऊन आकुर्डी येथील भंगाराच्या दुकानाला शुक्रवारी (ता. १९) सायंकाळी सातच्या सुमारास आग लागली. त्यात चार जण जखमी झाले आहेत. त्यांच्यावर महापालिकेच्या वायसीएम रुग्णालयात उपचार सुरू आहेत.
अग्निशमन दलाकडून मिळालेल्या माहितीनुसार, आकुर्डी येथील अक्षय स्क्रॅप सेंटरला (सिद्धेश्वर क्लासिक सोसायटी समोर, आकुर्डी गावठाण) शुक्रवारी सायंकाळी आग लागली. याबाबत मयूर केदारे यांनी कळविले. अग्निशमन दलाचे जवान व बंब त्वरित घटनास्थळी दाखल झाले.
आगीमध्ये मोठ्या प्रमाणात पुठ्ठे, प्लास्टिक, परफ्यूमचे (बॉडी स्प्रे) रिकामे कॅन, भंगार बॅटरी, घरगुती भंगार प्लास्टिक वस्तू आदी जळाले. भंगार दुकानाच्या आतील बाजूस छोट्याशा पत्र्याच्या घरामध्ये राहणारे चार जण भाजले. त्यामध्ये पोपट आडसूळ (वय ६०), संतोष चव्हाण (वय ४५), नरेश चव्हाण (वय ३८) व श्रीकांत कांबळे (वय ३३) यांना भाजले आहे. पाच ते वीस टक्क्यांपर्यंत त्यांना भाजले आहे. त्यांच्यावर वायसीएम रुग्णालयात उपचार सुरू आहे.
स्थानिक नागरिकांनी त्यांना बाहेर काढून रिक्षाद्वारे रुग्णालयात दाखल केले. घरामध्ये स्वयंपाक करत असताना मोठ्या प्रमाणात गॅस गळती झाल्याने भडका घेऊन आग लागल्याचे जखमींनी सांगितले. अग्निशमन दलाच्या मुख्य केंद्रासह प्राधिकरण, थेरगाव उप अग्निशमन केंद्रातील बंबांच्या सहाय्याने ३२ कर्मचाऱ्यांनी आग आटोक्यात आणली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.