पिंपरी - पिंपरीतील डिलक्स चौकातील कपड्याच्या दुकानात तोंडाला रुमाल बांधून तिघेजण शिरले. 'आम्हाला पैसे द्या नाहीतर येथे धंदा करू देणार नाही' असे म्हणत तिघांनी मिळून दुकानातील कामगारांवर चॉपरने वार केले. त्यानंतर दुकानाची तोडफोड करीत दहशत माजवली. जिवाच्या भीतीने दुकानातील कामगार बाहेर पळाले.
याप्रकरणी कासीम अस्लम शेख (रा. बौद्धनगर, पिंपरी ) यांनी फिर्याद दिली आहे. त्यानुसार किरण (वय २२), तुषार (वय २०), सुमित (वय २४, सर्व रा,. बौध्दनगर, पिंपरी) यांच्यावर गुन्हा दाखल झाला आहे. फिर्यादी सोमवारी (ता. १३) सायंकाळी सहाच्या सुमारास डिलक्स चौकातील मिस्टर मॅड या कपड्याच्या दुकानात काम करीत असताना आरोपी दुकानात आले. 'आम्हाला पैसे द्या नाहीतर येथे धंदा करू देणार नाही' असे म्हणत लोखण्डी चॉपरने फिर्यादीवर वार केले. तसेच इतर कामगारानंही जखमी करून दुकानाची समोरील काच, काउंटरवरील काच फोडून पुतळ्याचे नुकसान केले. या घटनेमुळे परिसरातील नागरिकांमध्ये दहशत निर्माण झाली. पिंपरी पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.