पिंपरी : लग्न करण्यास नकार दिल्याने प्रेयसीने प्रियकराचा गळा आवळून खून केला. ही घटना चिंचवड येथे घडली. पैगंबर गुलाब मुजावर (वय ३५, रा. एमआयडीसी, भोसरी) असे खून झालेल्या प्रियकराचे नाव आहे. याप्रकरणी मुजावर यांच्या पत्नीने फिर्याद दिली असून त्यानुसार मुजावरच्या प्रेयसीला (वय २९) पोलिसांनी अटक केली आहे.
मुजावर व महिला आरोपी यांच्यात एक वर्षांपासून प्रेमसंबंध होते. दरम्यान, मुजावर हे आरोपी महिलेला भेटायला जात नाहीत. तसेच त्यांनी लग्न करण्यास नकार दिला. या कारणावरून त्यांचे आरोपीशी वाद व्हायचे. दरम्यान, महिला आरोपीने शुक्रवारी (ता. १३) सायंकाळी सहाच्या सुमारास मुजावर यांना चिंचवड स्टेशन येथील व्हाईट हाऊस लॉजिंग व बोर्डिंग येथे भेटायला बोलावले. तेथे त्यांच्यात वाद झाला. यादरम्यान आरोपी महिलेने मुजावर यांचा ओढणीने गळा आवळून खून केला. ही बाब रात्री उशिरा लॉज मधील कर्मचाऱ्यांच्या निदर्शनास आली. त्यांनी मुजावर यांना तातडीने रुग्णालयात दाखल केले. मात्र, त्यांचा मृत्यू झाल्याचे डॉक्टरांनी घोषित केले. दरम्यान, पोलिसांनी मुजावर यांच्या प्रेयसीला ताब्यात घेऊन कसून चौकशी केली असता तिने खुनाची कबुली दिली. पिंपरी पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
