पिंपरी शहरात बुधवारी ५९० नवीन रुग्ण

पिंपरी - कोरोना संसर्ग (Corona Infection) झालेले ५९० नवीन रुग्ण (Patients) बुधवारी (ता. ५) शहरात आढळले. त्यात सहा जणांना ओमिक्रॉन (Omicron) संसर्ग झाला आहे. आतापर्यंत दोन लाख ८० हजार ५९२ जणांना कोरोना संसर्ग झाला आहे. आज २७ जणांना डिसचार्ज देण्यात आला.

आजपर्यंत दोन लाख ७५ हजार ३४९ जण बरे झाले असून चार हजार ५२६ जणांचा मृत्यू झाला आहे. सध्या २६३ जणांवर रुग्णालयांत उपचार सुरू आहेत. एक हजार १०५ जण गृहविलगीकरणात आहेत. एकूण एक हजार ३६८ सक्रिय रुग्ण आहेत. आजपर्यंत ३० लाख १३ हजार ४९७ जणांना कोरोना प्रतिबंधक लस दिली आहे. आज ६६९ घरांतील दोन हजार ४४३ नागरिकांची तपासणी केली. सध्या ४८ मेजर व ३०८ मायक्रो कंटेन्मेंट झोन आहेत.