पिंपरी : प्राधिकरणाच्या फायलींचा निपटारा

पिंपरी - पिंपरी-चिंचवड (Pimpri Chinchwad) नवनगर विकास प्राधिकरणाचे पुणे महानगर प्रदेश विकास प्राधीकरणमध्ये (पीएमआरडीए) (PMRDA) विलनीकरण (Merger) नऊ महिन्यांपूर्वी झाले. त्यानंतर प्राधिकरणातील (Pradhikaran) पेठ क्रमांक पाच व आठ येथील पुणे आंतरराष्ट्रीय प्रदर्शन केंद्र, पेठ क्रमांक नऊ, अकरा, बारा आणि भोसरी मध्यवर्ती सुविधा केंद्र यांचे एकूण क्षेत्र महापालिकेकडे (Municipal) आले आहे. विलनीकरण झाल्यानंतर महापालिकेच्या ताब्यातील ४९१ फायलींचा (File) निपटारा करण्यात आल्याचे भूमी व जिंदगी विभागाकडून सांगण्यात आले आहे.

‘पीएमआरडीए’च्या पेठ क्रमांक ४, ७, १०, १८ ते २२ तसेच, २६,२७, २७ ए, २७ जनता, सीडीसी, १, २, ३० ते ३७, २४, २५, ३८ ते ४२, १५, १५ए, २२, २३, २८, २९ तसेच १२.५० टक्के परतावा फाईल महापालिकेच्या ताब्यात आल्या आहेत. महापालिकेकडील एकूण क्षेत्र ३७५.९० हेक्टर आहे. संबंधित क्षेत्रासाठी विशेष नियोजन प्राधिकरण म्हणून ‘पीएमआरडीए’ची नियुक्ती केली आहे. उर्वरित, क्षेत्रासाठी विशेष नियोजन प्राधिकरण म्हणून महापालिकेची नियुक्ती केली आहे.

प्राधिकरणाने महापालिकेला पेठ क्रमांक १ ते २० मधील फाईलचा ताबा घ्यावा, यासाठी महापालिका प्रशासनासोबत नोव्हेंबर महिन्यात पत्रव्यवहार केला होता. त्यातील कागदपत्रे हस्तांतर प्रक्रिया पूर्ण केलेली आहे. बऱ्याच दिवसांपासून हे रेकॉर्ड महापालिकेत पडून हेाते. त्यातील सर्व फायलींचा निपटारा केल्याचे भूमी जिंदगी विभागाच्यावतीने सांगितले आहे.

प्राधिकरणाकडील भूखंडांचे महापालिकेला हस्तांतर करण्यासाठी आवश्यक कागदपत्रांच्या हजार फायलींचे स्कॅनिंग पूर्ण झाले आहे. पेठ क्रमांक १ ते २८ मधील कागदपत्रांसाठी ही प्रक्रिया करण्यात आली आहे. पेठ क्रमांक २९ मधील कागदपत्रांचे स्कॅनिंग सध्या सुरू आहे. प्राधिकरणाकडून आलेल्या या फायलींची निगा व अन्य देखभालीच्या कामासाठी मनुष्यबळाची कमतरता जाणवत आहे.

फायलींचे आकडे...

• हस्तांतर अर्ज : .... १७१

• वारस नोंद : ............... ३७

• ना हरकत : ...... ९४

• इतर : ............ ९४

• माहिती अधिकार : .... २३