निगडीतील अनाथाश्रमात नवचैतन्य संस्थेतर्फे उपक्रम

पिंपरी, ता. २७ : नवचैतन्य सामाजिक संस्थेच्यावतीने अनाथाश्रमात महावीर की नवकारसी हा उपक्रम राबविण्यात आला. हा २३ वा उपक्रम निगडी भक्तीशक्ती या ठिकाणी झाला. या उपक्रमात संस्थेच्या अध्यक्षा अनिता नहार, साधना सवाने व उषा मुळे सहभागी झाल्या होत्या. निराधार व दिव्यागांना अन्नदान करणे हे या उपक्रमाचे उद्दिष्ट आहे. संजय कटारिया, कविता भळगट यांचे यासाठी सहकार्य लाभले. श्रीखंड, चपाती व केळीचे वाटप करण्यात आले.