Pimpri Chinchwad : दरोड्याच्या तयारीतील तिघांना अटक; कोयता, मिरची पूड, दोन मोबाईल, एक स्कूटर जप्त

Pimpri Chinchwad - दरोडा टाकण्याच्या तयारीत असलेल्या चार जणांच्या टोळीला वाकड पोलिसांनी पकडले. त्यात एक अल्पवयीन मुलगा असून व्यंकटेश सुरेश नाईक (वय २४, रा. राजवाडेनगर, जयहिंद कॉलनी, काळेवाडी), चेतन काकासाहेब वाघमारे (वय २३, रा. ओमकार कॉलनी, नढेनगर, काळेवाडी),

शेखर काळुराम जांबुरे (वय १९, रा. भारत कॉलनी, नढेनगर, काळेवाडी) यांना अटक केली आहे. त्यांना जगताप डेअरी चौकाजवळ रात्री दोन वाजता ताब्यात घेतले. त्यांच्याकडून एक तलवार, एक कोयता, मिरची पूड, दोन मोबाईल, एक स्कूटर जप्त केली आहे. पोलिस कर्मचारी विनायक घारगे यांनी फिर्याद दिली आहे.

चिंचवडमध्ये दीड लाखाची चोरी
चिंचवड येथील दीपक अरुण कांबळे (वय २७, रा. मातोश्री कॉलनी, बळवंतनगर) यांचे घर शुक्रवारी सकाळी सहा वाजल्यापासून बंद होते. चोरट्यांनी कुलूप व कोयंडा तोडून घरात प्रवेश केला. कपाटाचे कुलूप तोडून एक लाख ४५ हजार रुपयांचे सोन्या-चांदीचे दागिने चोरून नेले.