![‘रोटरी सिटी’तर्फे एनडीआरएफ केंद्रात वृक्षारोपण](http://media.assettype.com/esakal%2F2023-06%2F61414ee3-5316-428d-87d1-d8969c95acc1%2FTLS23B04326_MED_PC_Today.jpeg?w=480&auto=format%2Ccompress&fit=max)
तळेगाव स्टेशन, ता. ६ : जागतिक पर्यावरण दिनानिमित्त रोटरी क्लब ऑफ तळेगाव दाभाडे सिटी आणि महिंद्रा असेलो कंपनीच्या वतीने सुदुंबरे येथील राष्ट्रीय आपत्ती प्रतिसाद बलाच्या केंद्रामध्ये सोमवारी (ता.०५) सहाशे फळझाडांच्या रोपट्यांची लागवड करण्यात आली. एनडीआरएफच्या पाचव्या तुकडीचे कमांडंट संतोष बहादूरसिंग, डेप्युटी कमांडंट दीपक तिवारी, अनिल तलकोत्रा तसेच महिंद्रा असेलो कंपनीचे निवास गंधाले, प्रशांत चाटप, जगदीश परब, प्रसाद पादीर, यशोधन जाखडी, रोटरी सिटीचे अध्यक्ष दीपक फल्ले, दिलीप पारेख, विलास काळोखे, सुरेश शेंडे, संजय मेहता, रेश्मा फडतरे आदींच्या हस्ते वृक्षारोपण झाले. पर्यावरण संवर्धनासाठी रोटरी सिटीने हातभार लावावा, असे आवाहन संतोष बहादूरसिंग यांनी केले. पर्यावरण व त्यापासून होणारे फायदे या विषयावर प्रसाद पादीर यांनी मनोगत व्यक्त केले. प्रदीप टेकवडे यांनी सूत्रसंचालन केले. शाहीन शेख यांनी आभार मानले. कार्यक्रम यशस्वी करण्यासाठी सुनंदा वाघमारे, प्रशांत ताये, हर्षल पंडित, संजय चव्हाण, राजेंद्र कडलक, तानाजी मराठे आदींनी नियोजन केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.