शहरातील पोलिस निरिक्षकांच्‍या अंतर्गत बदल्‍या

पिंपरी, ता. १५ : पिंपरी-चिंचवड पोलिस आयुक्‍तालयाअंतर्गत येणाऱ्या वाहतूक शाखेतील अधिकाऱ्यांचा खांदेपालट झाला आहे. प्रशासकीय सोयीसाठी सात पोलिस निरीक्षकांच्‍या अंतर्गत बदल्‍या करण्यात आल्‍या आहेत. त्‍यांची विविध वाहतूक शाखेत नेमणूक करण्यात आली आहे.
या अंतर्गत बदल्‍यांमध्ये पोलिस निरीक्षक विश्वजीत खुळे यांना बावधन वाहतूक विभाग, पोलिस निरीक्षक विजयकुमार वाकसे यांना सांगवी वाहतूक विभाग; तर पोलिस निरीक्षक संतोष कसबे यांची देहूरोड वाहतूक विभागात नेमणूक झाली आहे. पोलिस निरीक्षक मनोज खंडाळे यांना प्रशासन/ नियोजन वाहतूक विभाग, पोलिस निरीक्षक ज्ञानेश्वर साबळे यांची वाहतूक विभागाच्या नियंत्रण कक्षात; तर पोलिस निरीक्षक प्रसाद शंकर गोकुळे यांची हिंजवडी वाहतूक विभागात नेमणूक झाली आहे.

पोलिस आयुक्‍त १३ दिवसांच्‍या सुट्टीवर
पिंपरी-चिंचवडचे पोलिस आयुक्त विनय कुमार चौबे तेरा दिवसांच्या सुट्टीवर गेले आहेत. राज्याचे अप्‍पर पोलिस महासंचालक सुनील रामानंद यांनी त्‍यांचा पदभार घेतला आहे. रामानंद यांनी शुक्रवारी (ता.१४) पदभार घेतला असल्‍याची माहिती पोलिस प्रशासनाने दिली.