लोणावळा - जुना खंडाळ्यात साधना कुटीरजवळ भरधाव मोटारीने दुचाकीला जोरदार धडक दिल्याने झालेल्या भीषण अपघातात दोघा तरुणांचा मृत्यू झाला. शुक्रवारी (ता.१५) दुपारी चारच्या सुमारास ही घटना घडली.
मोहित सुनील पायगुडे (वय ३९, रा. खोंडगेवाडी, लोणावळा) व गौतम बेहरा (वय-३५, सध्या रा. लोणावळा, मूळ ओरिसा) अशी अपघातात मृत्यूमुखी पडलेल्या तरुणांची नावे आहे.
लोणावळा शहर पोलिसांनी दिलेल्या माहितीनुसार, मोहित आणि त्याचा मित्र गौतम हे दोघे शुक्रवारी दुपारी जुना खंडाळ्यातून दुचाकीवर (एमएच १४ इटी २९१९) लोणावळ्याच्या दिशेने येत असताना भरधाव वेगाने खंडाळ्याकडे जाणाऱ्या मोटारीने (एमएच १४ डीएन ३६३८) जोरदार धडक दिली. त्यात गौतम याचा जागीच मृत्यू झाला. अपघातात जखमी झालेल्या मोहित यास सोमाटणे येथील खासगी रुग्णालयात दाखल करण्यात आले. दरम्यान उपचार सुरू असताना मोहितचा मृत्यू झाला. याप्रकरणी मोटारचालक विवेक परमेश्वरन नायर (वय ४१, रा. सीबीडी बेलापूर, नवी मुंबई) याच्यावर गुन्हा दाखल करण्यात आला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
