Video : 'या' तरुणांनी लॉकडाउनमध्ये काय केलं, ते तुम्हीचं पाहा

टाकवे बुद्रूक (ता. मावळ) : कोरोनामुळे केलेल्या लॉकडाउनमुळे सर्वांवर खूप वाईट वेळ आली. अनेकांचे रोजगार बुडाल्याने सर्वांना घरी बसण्याची वेळ आली. हातावर पोट असलेल्यांचे दोन वेळेच्या जेवणाचे हाल झाले. मात्र, हेच चित्र सर्वांनी जवळून पाहिले नसले, तरी हातावर पोट असलेल्या व्यक्तिंचे लॉकडाउनमुळे कसे हाल झाले, आताही कसेही हाल होत आहेत. याचे चित्रीकरण देवले गावातील काही तरुणांनी गावाशेजारीच केले. त्यामुळे ती परिस्थिती आता सर्वांना जवळून पाहायवास मिळत आहे. 

ताज्या बातम्यांसाठी डाऊनलोड करा ई-सकाळचे ऍप 

देशात कोणतेही संकट आले, तरी सर्वसामान्य माणूसच यामध्ये भरडला जातो. तसेच, सरकारही सर्वसामान्यांकडे दुर्लक्ष करते. कोरोनाच्या पार्श्‍वभूमीवर कामाविना हातावर पोट असलेल्या गरिबांवर कशा प्रकारे परिणाम झाला. हे देवले गावातील दीपक आंबेकर, प्रसाद घिसरे, अक्षय शिंदे, प्रतीक आंबेकर या तरुणांनी व चंद्रभागा डोंगरे या कातकरी महिलेने शॉर्ट फिल्म बनवून सर्वांना दाखवले आहे. या तरुणांनी आतापर्यंत शॉर्ट फिल्मचे दोन भाग मोबाईलमध्ये बनवले आहेत. 

पिंपरी-चिंचवडच्या बातम्या वाचण्यासाठी येथे ► क्लिक करा

आणखी दोन-तीन भागांचे चित्रीकरण डिजिटल कॅमेऱ्यात करणार आहेत. त्यात लॉकडाउनमध्ये कामाविना एका गरिबावर भीक मागायची वेळ आली आहे, याचे चित्रीकरण लोणावळा शहरात करणार आहेत. सरकारनेही गरिब सर्वसामान्य कुटुंबांकडे लक्ष दिले, तर लॉकडाउनमध्ये कोणालाही भीक मागायची वेळ येणार नाही. याचेही चित्रीकरणही हे तरुण पुढील भागात दाखविणार आहेत.