King Movie : नायक नहीं खलनायक ! बाप-लेकीच्या सिनेमात अभिषेकची एंट्री ; अमिताभ यांनी ट्विट करत म्हंटलं...

King Movie Update : पठाण, जवान आणि डंकी या गाजलेल्या सिनेमानंतर अभिनेता शाहरुख खान आता आणखी एक बिग बजेट सिनेमा घेऊन प्रेक्षकांच्या भेटीस येतोय. किंग असं त्याच्या आगामी सिनेमाचं नाव असणार असून या सिनेमात त्याची लेक सुहाना खान सुद्धा मुख्य भूमिका साकारतेय आणि आता या सिनेमाच्या कास्टमध्ये अभिनेता अभिषेक बच्चनचीही एंट्री झालीये.

अमिताभ यांच्या शुभेच्छा

फिल्मफेअरने शेअर केलेल्या बातमीनुसार, किंग या सिनेमात अभिषेक बच्चन काम करणार असून या सिनेमात तो निगेटिव्ह भूमिका साकारणार असल्याचं म्हंटलं जात आहे. या विषयीची पुष्टी खुद्द अभिनेते अमिताभ बच्चन यांनी दिली. अमिताभ यांनी त्याच्या ट्विटरवर या बातमीचा फोटो शेअर करत "ऑल द बेस्ट अभिषेक... ही वेळ आहे!!!" असं म्हणत त्याच अभिनंदन केलं.

अभिषेक पुन्हा साकारणार खलनायक

अभिषेक आणि शाहरूख, या दोघांनी यापूर्वी 'कभी अलविदा ना कहना' आणि 'हॅपी न्यू इयर' सारख्या सिनेमांमध्ये एकत्र काम केले होतं आणि आता ते पुन्हा एकदा या प्रोजेक्टसाठी एकत्र येत आहेत. अभिषेक या सिनेमात निगेटिव्ह व्यक्तिरेखा साकारत असून या आधी त्याने ब्रीद इनटू शॅडोज, रावण या सिनेमात खलनायक साकारला होता. त्याने साकारलेल्या या भूमिकांचं, त्याच्या अभिनयाचं खूप कौतुक झालं होतं आणि आता 'किंग' या सिनेमात अभिषेकची भूमिका कशी असेल हे जाणून घेण्यास त्याचे चाहते खूप उत्सुक आहेत. सूत्रांनी दिलेल्या माहितीनुसार, अभिषेक साकारत असलेली भूमिका ही पूर्णपणे खलनायकी ढंगाची असून तो एका क्रूर व्यक्तीच्या भूमिकेत पाहायला मिळणार आहे. या आधी अभिषेकला अशा कोणत्याही भूमिकेत प्रेक्षकांनी पाहिलं नसेल असा दावा या सूत्रांनी केला आहे.

शाहरुख आणि सुहाना यांनी या सिनेमाची तयारी सुरु केली आहे. या सिनेमाच्या पूर्वतयारीसाठी ते काही दिवसांपूर्वीच लंडनला रवाना झाले. तर अभिषेक लवकरच या सिनेमासाठी काम सुरू करणार असल्याचं समजतंय.

किंग हा शाहरुखचा आगामी बिग बजेट सिनेमा असून या सिनेमाची निर्मिती शाहरुखच्या रेड चिलीज स्टुडिओज बरोबरच मार्फ्लिक्स पिक्चर्स करणार आहे. सुजॉय घोष या सिनेमाचं दिग्दर्शन करणार असून ही एक ॲक्शनने पुरेपूर असलेली फिल्म असेल. २०२५ च्या अखेरीस हा सिनेमा रिलीज होईल असा अंदाज आहे.