![अबोली आणि अंकुशच्या आयुष्यात येणार नवा ट्विस्ट; 'हा' अभिनेता करणार मालिकेत एन्ट्री](http://media.assettype.com/esakal%2F2024-06%2F919bf524-bb5c-4da9-9ff3-adc4ba729af5%2Fpriyanka__68_.jpg?w=480&auto=format%2Ccompress&fit=max)
Aboli: छोट्या पडद्यावरील अबोली (Aboli) मालिकेचं कथानक आता अतिशय उत्कंठावर्धक वळणावर येऊन पोहोचलं आहे. या मालिकेत मोठा ट्विस्ट येणार आहे. अन्यायाविरोधात आवाज उठवत न्याय मिळवून देण्याचा अबोलीने घेतलेला वसा अनेकांसाठी आशेचा किरण ठरतोय. नवनव्या केसचा छडा लावत असतानाच आता अबोलीच्या वैयक्तिक आणि व्यावसायिक आयुष्यात नव्या पात्राची एन्ट्री होणार आहे. या नव्या पात्राचं नाव आहे श्रेयस सुमन मराठे. श्रेयस मराठे ही भूमिका कोणता अभिनेता साकारणार? हे जाणून घेण्यास प्रेक्षक उत्सुक आहेत. अबोली या मालिकेत कोणत्या अभिनेत्याची एन्ट्री होणार आहे? याबद्दल जाणून घेऊयात...
अबोली या मालिकेत सुप्रसिद्ध अभिनेता माधव देवचके (Maadhav Deochake) हा श्रेयस सुमन मराठे हे पात्र साकारणार आहे. अबोलीच्या विरोधात श्रेयस केस लढणार आहे. या नव्या आव्हानाचा अबोली आणि अंकुश कसा सामना करणार हे पहाणं उत्सुकतेचं असेल.
सुप्रसिद्ध अभिनेता माधव देवचके जवळपास 6 वर्षांनंतर स्टार प्रवाहच्या मालिकेत दिसणार आहे. याआधी देवयानी आणि गोठ या मालिकेत माधवने लक्षवेधी भूमिका साकारली होती. श्रेयस सुमन मराठे ही व्यक्तिरेखा देखिल हटके असेल. श्रेयसचं आपल्या आईवर प्रचंड प्रेम होतं. त्यामुळे नावासोबतच तो आईचही नाव लावतो. अतिशय हुशार, यशस्वी आणि हवी असणारी गोष्ट मिळवण्यासाठी वाट्टेल ते करणारा श्रेयस अबोली-अंकुशच्या आयुष्यात नेमकी कोणती उलथापालथ घडवणार? हे पहायचं असेल तर तुम्हाला न चुकता अबोली ही मालिका बघावी लागेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.