सबस्क्राईब करा
बॉलिवूड अभिनेता गोविंदाच्या पायाला गोळी लागली आहे. गोविंदाकडे परवानाधारक रिव्हॉल्व्हर आहे. मिळालेल्या माहितीनुसार ही घटना पहाटे पाचच्या सुमारास घडली आहे. गोविंदा पहाटे कुठेतरी जाण्यासाठी निघाले असताना हा अपघात झाला.
पोलिसांनी आता या प्रकरणाचा तपास सुरू केला आहे. गोविंदाची बंदूक जप्त करण्यात आली असून या प्रकरणाचा सखोल तपास सुरू असल्याचे पोलिसांचे म्हणणे आहे.
गोळी लागल्यानंतर गोविंदाच्या पायातून खूप रक्त वाहत होते. गोविंदाची प्रकृती सध्या कशी आहे याबाबत अद्याप कोणतीही माहिती समोर आलेली नाही. पत त्याला सध्या अंधेरीच्या क्रिटी केअर रुग्णालयात दाखल करण्यात आले आहे.
घराबाहेर पडण्यापूर्वी गोविंदा आपली बंदुक साफ करत होता. त्यावेळी याच्याकडू मिसफायर झाल्याने त्याच्या पायाला गोळी लागली आहे.
अनावधानाने स्ट्रीगर दाबले गेल्याने बंदुकीतून गोळी सुटली व ती त्याच्या पायाला लागली. यानंतर जखमी झालेल्या गोविंदाला जवळच्या क्रिटी केअर रुग्णालयात उपचारासाठी दाखल केले आहे.
गोविंदाचे व्यवस्थापक शशी सिन्हा यांनी एएनआयला सांगितले की, अभिनेता आणि शिवसेना नेता गोविंदा कोलकाता येथे जाण्याच्या तयारीत होता. त्यापूर्वी तो आपले परवाना असलेले रिव्हॉल्व्हर साफ करत असताना त्यातून चुकून गोळी झाडली गेली आणि त्याच्या पायाला लागली. डॉक्टरांनी गोळी काढली असून त्यांची प्रकृती ठीक आहे. तो आता रुग्णालयात आहे.
अभिनयासह राजकीय क्षेत्रातही काम केलेल्या गोविंदा याने यापूर्वी काँग्रेसचा खासदार म्हणूनही काम केले आहे. नुकत्याच झालेल्या लोकसभा निवडणुकीपूर्वी गोविंदाने मुख्यमंत्री एकनाथ शिंदे यांच्या शिवसेनेत प्रवेश केला होता. यानंतर त्याने शिवसेनेच्या उमेदवारांसाठी राज्यभरात प्रचारही केला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
