अभिनेता आमिर खानचा भाचा आणि 'जाने तू या जानेना' फेम अभिनेता इम्रान खान गेला बराच काळ सिनेविश्वापासून दूर आहे. गेल्या बराच काळात इम्रानचा कोणताही सिनेमा प्रेक्षकांच्या भेटीस आला नाहीये.
काही वर्षांपूर्वी त्याचा आणि अवंतिका मलिकचा घटस्फोट झाला. पहिल्यांदाच इम्रानने यावर भाष्य केलं.
नुकतंच इम्रानने इंडिया टुडेला मुलाखत दिली. तेव्हा तो घटस्फोटाबद्दल भाष्य केलं. तो म्हणाला,"मला याविषयी जास्त बोलून त्यावरील गॉसिप वाढवायचं नाहीये पण माझा वैयक्तिक स्ट्रगल सुरु होता आणि मला दबाव जाणवत होता. या सगळ्यात माझं लग्न आणि माझं नातं काहीच मदत होणार नाहीये. कोणत्याही आदर्श नात्यामध्ये दोन्ही लोकांना अजून चांगलं करता, हेल्दी करता अधिक ताकदवान करता आणि एकमेकांना मदत करता त्यामुळे तुम्ही अधिक हेल्दी, चांगले आणि स्वतः एक उत्तम व्यक्ती बनता. आम्ही तसे नव्हतो."
वोग मॅगझीनला काही महिन्यांपूर्वी दिलेल्या मुलाखतीत इम्रानने तो रिलेशनशिपमध्ये असल्याची कबुली दिली होती. तो लेखा वॉशिंग्टनसोबत रिलेशनशिपमध्ये आहे. याबाबत तो म्हणाला होता कि, "लेखाला मी डेट करत असल्याच्या सध्या ज्या काही चर्चा सुरु आहेत त्या सगळ्या खऱ्या आहेत. फेब्रुवारी २०१९पासून मी घटस्फोटित असून मी माझ्या आधीच्या पत्नीपासून वेगळा राहतो. लेखाने आमचा संसार मोडला अशी चर्चा होती ज्याचा मला खूप राग येतो आणि हे फक्त कोणत्याही स्त्रीचा द्वेष आहे म्हणून नाही तर माझ्याही चारित्र्यावर शिंतोडे उडवले जात आहेत."
इम्रान आणि अवंतिकाला इमारा नावाची मुलगी असून दोघेही एकत्र तिचा सांभाळ करतात. एका मुलाखतीत इम्रानने गुरुवार ते रविवार मुलगी त्याच्याकडे असते त्यामुळे त्या काळात तो कोणतंही काम नव्हतं असा खुलासा केला होता.
इम्रानने जाने तू या जानेना सिनेमातून पदार्पण केलं. त्यानंतर त्याने देल्ली बेल्ली, मेरे ब्रदर कि दुल्हन, एक में एक और तू यांसारख्या अनेक सिनेमांमधून काम केलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.